صورة الصدر للتعبير
بنت الأصول
مش اللى أبوها مجهزها
بملايين
مش اللى معاها
دكتوراه
ولا اللى معاها
ماجستير
مش اللى أبوها باشا
ومعاه ف البنك
كتير
اللى بيقولوله
مليونير وملياردير
ولا اللى وارثه
وحاطه مانيكير
وباديكير
وعايشه ف سرايه
وعندها سفرجى وجناينى
وشوفير
بنت الأصول
الطيبه اللى تعيش
واللى فيها
الخير
اللى لما تنادها تلاقيها
بترد وتقول
نعمين
واللى لما تغيب تصونك
حتى لو غيابك طال عنها
سنين
بنت الأصول
اللى بتصبر وسر بيتها
مبيطلعش
بره البيت
اللى محافظه عالعيشه
وتبيع فردة حلق وغويشه
لجل راجلها
ميمدش ايديه
اللى كلمتها دوا
والبصه ف وشها تريح
ولما يرجع راجلها
البيت
يلقاه منور بوجودها
وعارفه حدودها
وعارفه اللى ليه
واللى عليه
اللى ميتكسفش راجلها
يقول قدام منها
معلش ممعيش فلوس
اللى ف الأصل بتدى
لكل اللى حواليها دروس
اللى بتحافظ
على قرش جوزها
وعليه لايمكن تدوس
واللى لما يبص ف وشها
يلقاها بتضحك
ودايما حالها مبسوط
واللى تعينه وتقويه
ومتبقاش هى والدنيا عليه
اللى متعليش صوتها
ف وجوده
ولا يجى يوم
صوتها يعلا عليه
دى بنت الأصول
ويابخته اللى يفوز بيها
واللى ميفوزش
يبقى أمه والله
مهش راضيه عليه
Yasser Bayoumi
