الحقيقة المورينجا هذا النبات الهندى الساحر اتعمل عليه دراسات كتيرة فى فوايده على المفاصل و الكبد و السكر والضعف الجنسى وحساسية الصدر والغدة الدرقية والتصلب المتعدد وطرطقلى ودانك واسمع معايا :
١-مبدأيا المورينجا مسكنة قوى للالام دا مش بس كده كمان ومضادة للإلتهاب والأهم إنها بتعالج الرئتين عكس المسكنات الكيميائية التى تقتل الرئتين .
٢- مضادة قوية للأكسدة قصة الاكسدة ياجماعة بكل بساطة انت عندك حاجة اسمها جدار خلوى عامل شبه الأسور التى تحمى المدينة من المعتدين لو الأسور انضربت الحاجات اللى المفروض متدخلش هتدخل والحاجات اللى كان المفروض متخرجش هتخرج المورينجا بتحافظ ع الجدار الخلوى من التلف يعنى متعجزش بسرعة
٣-٥٠ جرام من ورق المورينجا مع الوجبة بينزل السكر ٢١٪ يعنى لو انت سكرك مثلا ٢٥٠عالى مع المورينجا هيكون تحت ال ٢٠٠ اللى هوه مقبول طبيا شرحنا سابقا اخرنا ١٩٩ .
٤- بتعالج الضعف الجنسى .
٥- بتعمل صيانة كاملة للكبد الغلبان من ارتفاع الدهون ونقص الحديد .
٦- أهم استعمال على الإطلاق علاج جذرى لحساسية الصدر والربو .
٧- خافضة للحرارة و مضاد حيوى طبيعى يعتبر الغذاء الرئيسى للأطفال والكبار أثناء الحمى .
٨- بتحمى الأعصاب من الإلتهاب زى اللى بيحصل لمريض السكر من تنميل وحرقان فى رجله وعدم إحساس وبمناسبة الأعصاب إتعمل عنها دراسة فى علاج التصلب المتعدد مع نبات القسط الهندى .
المعلومة الأخيرة المورينجا دى مش نبات طبى بيتغلى دا غذاء يعنى مفيش حاجة اسمها شاى المورينجا زى مابعض الناس اللى ملهمش علاقة بالنباتات الطبية كاتبين وحاشرين نفسهم فيها . بتاخد ٢ ملعقة كبيرة على كوب ماء وبتشربها وبتاكلها مع الميه مع الوجبات .
دمتم بصحة ❤️
