_ احسن انك طلقتها ، سيبها تتذل و تتلوى من الجوع عشان ترجعلك مكسورة و طايعة و ماتتدخلش بينا تاني
= مين قال اني ممكن اسيب مراتي و بناتي يجوعوا
_ لازم تربيها و الا مش هتعرف تمشي كلامك عليها تاني
.
_ طيب بتكرهي مراتي و فهمتها انما بتكرهي بناتي ليه !!
= انا ياايهاب 🐍🐍.. دول نور عيني وولاد الغالي
* دا كان حوار من مسلسل بيمثل نموذج من الشخصيات الغير سوية والغير متزنة نفسيا وسلوكيا.
( إن عبادي ليس لك عليهم سلطان إلا من اتبعك من الغاوين )
إبليس يبعث سراياه من شياطين الجن و الانس … فأقربهم منه مجلسا من يفرق بين الزوج وزوجه بكلمة يلقيها إلى أحدهم و كأن إبليس اليوم قد حشد جنده من الإنس قبل الجن ينشدون فساد قلوب البيوت و تغير أحوالها
ويبقى نسبة كبيرة من الحموات أو العمّات أو الأعمام الشرسة بتتكاثر” لغياب الأب ” أو الرجل المحترم فى البيت وتأثيره فى بناء الرجولة والتأثير عالشخصيه لتكوين شخصية سوية يعتمد عليها الا لو الام على وعى وذكاء واتزان نفسي وده شئ نادر جدا هذه الأيام ..
,,,
الناس اللي بتحرض على طلاق وخراب البيوت، بتحرض على الأذى عشان في الاخر يترفع قضايا خلع و يطلع هو من الجوازة من غير خسارة مادية.
الناس اللي بتدخل وتتظاهر انها داخلة تصلح فتسمسر وتلعب دور الدلالة وتبعت أكونتات قريباتهم للرجالة المتجوزة اللي على خلافات مفتعلة من أصحاب القلوب المريضة مع زوجاتهم.
مستخبيين تحت عباية الدين ودروس الفقة والتربية بالحب.
عشان اهم حاجة عندهم الناس مش رب الناس.
الطمع والجشع والانحطاط الأخلاقي من أي واحدة تطمع في حياة واحدة غيرها، أهم حاجة تلاقي اللي يصرف عليها وينشلها من عيشتها اللي مش راضية عنها.
فتبدأ تلف عليه وتكلمه وتخرج تقابله من ورا أهلها وتبعت في صور وغرميات، لا وكمان لو فيه أولاد تقوله هاتهم أربيهوملك مع ولادي 😅😅.
على أساس أنها تعرف يعني ايه تربية.
الذكر “مقدرش اقول عليه راجل لأن مفهوم الرجولة عظيم وكبير على أمثاله”
اللي اقصد بيه رب الأسرة لما يفتح بيته لواحد متجوز وعنده أولاد عشان يصطاد لبنته جوازه لقطه، مش مهم بقى انها هتتبني على باطل أو لا، المهم يلاقي اللي يشيل الليلة ويستر بنته 😅😅😅
في مجتمعنا الشرقي اختزلنا مفهوم التفريط في الشرف فقط على العلاقة الجنسية اللي بتتم في إطار غير شرعي.
رغم ان الشرع وجد للعلاقة دي اسم الزنا، وسمى الفاعل زاني وزانية.
الشرف والأمانة والأخلاق والنخوة مصطلحات وقيم إنسانية عظيمة لازم نسلط عليها الضوء ونبرزها ونربي نفسنا ونربي ولادنا عليها.
لأن الفساد الأخلاقي والانحطاط السلوكي من أصحاب النفوس المريضة والمختلة بقى عامل زي القنبلة الموقوتة، واكتر ناس بتتأذي هي الناس اللي عندها شرف وأخلاق.
كتير مننا مختلط معاه مفهوم التربية ومش قادر يفرق بين الرعاية اللي بنكفل بيها لأولادنا ” المأكل والملابس والمشرب والمسكن”
وبين التربية اللي هي المفروض بنغرس فيهم المبادئ والقيم و الانسانية والعادات والتقاليد السوية، عشان نبني مجتمع صالح ومستقبل سوي وسليم.
