متربصين وكأننا فئران بتفحت ف الحجر
ضاع النظر
وبصيرة عايشة ف الغروب
زى استرتش على البنات
والإفهات
فتحت هويسها على. الشراقى المغرضة
مع إن أى كوكبة
أو نجمة ليها حكمها
فينا الكسول
فينا المقاتل ع الوتر
قلبه حجر
اللى ينسى إن وطنه هو دينه
وان دينه هو وطنه
من غير وطن
مفيش سكن لأى دين
تلقى النوارس ع البيبان
شحات جعان
لا حبر موسى بينفعه
أو صبر عيسى ع الحوارى
أو زعقة ثقيف
فين الدفوف
واللى طلع من بين ثنيات الوداع
مش معنى تفشل بعد حبو
إنك وقفت بقيت بطل
وعلينا ننده
إنك بطل
ليه الشماته ف الىشهيد
كان عليك لو كنت حق
الأحق بالدراسة
لأى نهر م المصب لمنبعه
تعيد الوقوف
لكن شغوف
إن صورتك
تبقى دايما للغلاف
ألفين مطاف
دخان قطارك ف الملف
مالوش ملف
لو عرفت إن الجرس
ساعة وقوف
كان كل واحد
ف الربيع أو الخريف
كان قلبه حس
عقله عرف
إن سره
فى دواير الاختلاف
