اقلام حرة

قالت الاغنية الشعبية على وزن دلعونا – بقلم الشاعرة الزجلية ماريا أبو واصل

قالت الاغنيه الشعبيه على وزن الدلعونا:
حب حبيته يا يما شمعه
واللي حبيته بيوم الجمعه
ع امي وابويي ما بكيتش دمعه
وع فراق الولف اعميت العيونا .

حبيبي بسك حبيبي بسك
حاطط بجيبه صابون إمسك
لما بالدبكه سمعت انا حسك
كل الصبايا تغني دلعونا

وقال هالشباب بعد ما يتجوزا بسنه .بفطنوا
يسألوا نسوانهم :
بالله ما حبيت حدا قبلي ؟؟؟
ما أغباهم !!! ويعني فرضا آه .هو من قلة
عقلهم بدها تقول :آه .
بعدين شو هو إلكم ضربة لازم على ماضيها ؟ وحضرتك ؟
هاي طبيعة البشر .بتحب وبتنحب .إشي بطلع بيده وبتزبط معه .وشي بتحول بينهم
مؤثرات خارجيه .وشي بحب والطرف الثاني
معوش من هالاخبار اخبار .وشي بحب عالريحه .وشي بحب عن غيب .وشي بحب كل يومين ونص .وشي بحب صدفه .
يعني 100نوع ونوع ولليش هالاسئله اللي
مالهاش لزوووووووووووم .
الإعتراف صعب يا اخي .لإنه النتيجه رح تكون
الطلاق والفراق .أو الشك طول العمر .
وقالت الاغنيه :
بدك تحبي حبي برواقه
مش مثل الحمام كل يوم بطاقه
وانا سمعت عنك انك عشاقه
وإلك بالبلد مليون زبونا
وهذا أكبر إثبات أن الأغنيه تصوير للبيئه .
ما أجمل أغانينا التراثيه وما أعمق معانيها
فلنتمسك بها ولنحفظها وندونها ونحافظ عليها .لانها جذورنا واصلنا وتاريخنا وهويتناimage

اظهر المزيد

مقالات ذات صلة

إغلاق