شعر وشعراء

(وطني الجريح) بقلم الشاعرة فاطمة مباركة

يا عيون الوطن الجريح..
يا أهله البكايا…
ترابو بيصرخ..وبيصيح…
كفانا يا عالم…دمايا
ناموا يا عرب..ناموا
متل أهل الكهف وسنين لحتى…قاموا…
فلسطين غارقة بالشهدا..
وفلسطين أصل الحكايا…
وين العروبة وصمتها اللعين..
وجرح جنين يواسي نابلس..
من قلب العطايا…
كل يترجل فارس..
وصهوة الخيل تحكي حكاية..
عرين الأسود…ما يهاب الليل..
لو فرشوا دربه شظايا…
شو راح نحكي عنك يا وطن….
غير شهدا ما نقدم….هدايا
غالي ترابك يا وطني..
أغلى من كنوز السرايا…
ما همنا من الدنيا قصور…
بيكفي نصفي للوطن النوايا..
إحنا يلي كل شعبنا…ضحايا…
بيضحك الموت ع بوابنا…
لما نستقبلوا بأحلى مزايا…
يا وطني الجريح…
نزفك طال…
والله أعلم بالخفايا…
كبر الجرح كتير…
وصار…الدم بحور
وأمة نايمة نسيت كل الوصايا…
تصار الدم كتير رخيص…
وشعبي يدفع ضريبة الخطايا…
لأوطان نامت ع الحرير..
وعنا الشهيد ينادي شهيد والأسير يواسي أسير…
والقضية تنشر قضايا…
بكفي يا موت تخطف..أقماري
وتزرع العتمة بسمايا
لتشيل عن وجوهنا البسمة…
وترسم للحزن…بقايا

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

واحد + أربعة =

إغلاق