يا فتاح يا عليم يا رزاق يا كريم .
بتعرفوا ؟
أصحاب العرس على ما يبدو بعرفوش يحسبوها صح !!
ثاني يوم هالعرس بقعدوا يغربلوا وينخلوا بهالنقوط .وفلان دفع ألف وعلان ميه وعلنتان خمسميه .
وبجوز يعلقوا على ابو الميه .بس هم مش عارفين
انه ابو الميه اللي أجا لحاله مثله مثل اللي نقط اربعميه مع اربع اولاد !!
وهو اربحلهم من اللي نقط خمسميه مع ست أنفار !!! .ومش بس هيك بكون ابو ال اربعميه جاي ومتعشي بالحنا مع الكورس تبعه .وقبلها متعشي بجبلة الحنا مع الفريق .
فيا جماعة الخير اللي بده يكون جمال يوسع باب داره .وما يحسب للنقوط على اساس يسد ديونه .
وبعدين يا سبحان الله ! في ناس بتشنص معهم وفي ناس ما بتزبط معهم .شي بطلع راس براس وشي بوفر له شويه وشي بدفع من جيبته .
وكل واحد عاد وبخته .
والأهم من كله انه العرس يزبط وما يصير فيه ولا نبشه .بالذات مع القرايب او النسايب .
الف مبروك للي تجوزوا وللي ناويين عالزواج .
ورحله وشهر عسل الى انطاليا واستنبول واليونان وتايلند ومرمرس وكل الجزر يا رب .
