الفول المقلى “موئيلى” (تسالى العيد)

🔴 الفول المقلى “موئيلى” (تسالى العيد) 👍😋🥳

⚫ الطريقة

هاننقى الفول (فول بلدى) ونغسله كويس ونسيبه ينشف خالص
فى طاسة على نار متوسطة بدون أى مواد دهنية هاننزل بالفول وهنقلبه لغاية ما يتحمص وياخد لون بنى حلو

هانجهز محلول النقع بتاعنا واللى هيكون عبارة عن ..
ماء ، وملح ، وكمون ، وشطة حسب الرغبة

⭕ المقادير ..

كل كوباية مية كبيرة (ميه من الحنفية عادى) هتاخد معلقة كبيرة ملح وربع معلقة صغيرة كمون والشطة حسب الرغبة

هندوب كل المكونات مع بعض وهنضيف الميه حسب كمية الفول بحيث انها تكون مغطياه بالكامل ونسيبوا منقوع ليلة كاملة (من ١٢ ل ٢٤ ساعة) لغاية ما الفول يبقى طرى زى الترمس كده
بعدين هاننشله من المية بتاعة النقع بعد ما تكون سحبت منه كل الغازات اللى فيه وطلعت على هيئة رغوة على وش الميه

هنصفيه كويس منها ونقدمه فى طبق التقديم ونعصر عليه ليمون ورشة كمون وشطة حسب الرغبة
بيبقى طرى زى الترمس والحمص بالظبط ونحفظه فى ميته لحد إنتهاء كل الكمية

وخلاص كده خلص بألف صحة وهنا 🙂
#تسالى_العيد_مو
Mo Shihata