وفجأة الشعب الكلّ بدأ يفهم ومهتم بتكونولوجيا الاتصال وإدارة المؤسسات.. فقط لأنّ النهضة متمسكة بالوزارة ويسألوا شنية لحكاية وشنوه السرّ.. بالحق اسئلة مخجلة جدّا.. تخليك تستحي من وذنيك لي خليتهم يسمعوا هذا النوع من الأسئلة السطحية والغبية.. هذا الكل استغراب واستنكار واسترابة خاطر النهضة متمسكة بها.. الوزراة هذي موش جديدة ع النهضة.. من 2011 وهي تحت إشرافها.. نحب نجاوبكم على أهمية تكنولوجيا المعلومات أما نعرف الجواب فهمانو أصعب من السؤال لي طرحتوه.. موش لازم نقلكم لي أحنا ماشيين للإدارة الرقمية بصفر ورقة واحنا …. باش نقربلكم الصورة نقلكم شفت الايمايل متاعك والفايسبوك وانستغرام أشهر الفنانين وقنوات يوتيوب أشهر الفنانين وتويتر ترامب وغيرهم من تقنيات التكنولوجيا.. شفت عائداتهم المالية وتاثيرهم على العالم.. راهو هكذا جزء من وزارة تكنولوجيا المعلومات والاتصالات وهي أكبر برشا. يجي نهار ووزارة تكنولوجيا المعلومات والاتصالات تحدد وقت خروجك ودخولك للدار وتبرمج مشاغل نهارك كامل وحاجياتك..
سيبوا عليكم من النهضة والايديولوجيات المقيتة وثقفوا رواحكم من اجل هذا الوطن.. كان بورقيبة راهن على التعليم كما تقولوا اليوم وغدوة رهاننا الوحيد هو تكنولوجيات المعلومات والاتصالات وتصدير المنتوجات التكنولوجية للعالم. وقتها نتجاوز كوريا واليابان وسنغافور وغيرهم.
يا حشمة الحال الدولة من وسط التسعينات راهنت على الاعلامية وانتهجت سياسات تدريجية لإدخالها للإدارات والتعليم وزادت شعبة إسمها علوم الاعلامية ومادة الاعلامية كانت اختيارية وبعد صارت اجبارية. ومؤسستنا قاعدة تتطور من خلال العمل الشبكي لي بفضله تقدم الخدمة للحريف من اي مكان. مثلا انت مولود في دائرة بلدية معينة تنجم تستخرج مضمون وغيره من اي بلدية اخرى وقادر انك تسحب فلوس من اي إدارة مالية وقادر انك تقوم بأي معاملة إدارية أخرى بفضل تكنولوجيا المعلومات والاتصالات والنظام الشبكي.
الناس لي تحب الإدارة تتطور وتصبح عصرية ادعوكم لتحديث وتطوير معارفكم أولا.
هذه أشياء بسيطة عن تكنولوجيا الاتصال، وإذا استوعبتوها ندخلو في الرزن التقني لي تشيب له رؤوس الاطفال قبل الرؤوس الاخرى.
قداش حسيت بالألم وأنا نسمع في أسئلة عرات مستوايات وهشاشة معارف اصحابها.. غايتهم كانت ايديولوجية في عداء للنهضة ولكنها قلبت السحر على الساحر.
وأختم بهذا التصنيف للأمم المتحدة منذ أكثر من 10 سنوات: يُعتبر #أُميًا كلّ #شخص #يجهل_الإعلامية وتكنولوجيا المعلومات والاتصالات و #لا_يُتقن_استعمالها
الله يرحم من راهن على التعليم
#حنان_لعريض
