خواطر

كبروها بتكبر صغروها بتصغر – من حياتنا اليومية – بقلم ماريا ابو واصل

image.
بتعرفوا يا جماعة الخير ؟؟؟
“كبروها بتكبر وصغروها بتصغر ”
لإنه لا الراكب بظل راكب ولا الماشي بظل ماشي .لا السعاده بتدوم ولا الاحزان بتظل .
عجل ودوار بدون توقف .مره انت فوق ومره بالوسط ومره تحت .
فنصيحه مني لوجه الله .إذا لا سمح الله فقرت مره ما تزعلش. واعتبرها فتره وبتعدي .واذا مرضت مره كمان اعتبرها فتره وبتعدي .واذا فشلت مره .كمان كله بعدي.
واذا مريت بأي مرحله صعبه بحياتك تذكر كلماتي وقول .:”مرحله وبتعدي ” بقدرة رب
العالمين .لإنه زي ما قال بيت العتابا :
دهر يمضي بلا عثرات ما ظن
صديق ال توده اليوم ما ظن
بخيل ينذكر بالجود ما ظن
ولو وصل ماله عند السحاااااب .
هاي الصعوبات اعتبرها فواصل بحياتك .وبعد الفاصله أكيد في فجر جديد يبشر بالأمل .
يبشر بالشفاء .يبشر بالنجاح .يبشر بتيسير
الحال ان لم يكن الغنى .
بس يا ناس الحلال المسأله بدها شوية صبر
وشوية اراده وعزيمه .
لا تندبوا حظكم .لا تعكروا يومكم .فعثرات الزمان تمحوها الأيام فهي كقلم الرصاص كلما بريناه كلما احلوت الخطوط .وحتى لو
خلص القلم .لا تقلقوا .ستبقى كل جملة جميله كتبتموها بقلم الرصاص .
اللهم اجعلنا وإياكم من الصابرين الحامدين الشاكرين .يا ألله !

مقالات ذات صلة

شاهد أيضاً

إغلاق
إغلاق