فلسطين تراث وحضاره

زمان .. وأفراح زمان

خاص همسة سماء ألثقافه12705653_1067672779962941_2899913625180399850_n

زمان كانوا كبار البلد يتجمعوا ليطلبوا العرصورة ‏‎Remah Bayya‎‏.وس من أبوها
زمان كانت البلد كلها تسهر تغني سبع ليالي قبل يوم العرس
زمان كانوا يضيفوا المعازيم شراب ليمون أو برتقال يحلوه بالمية
زمان كانت العروس ليلة الحنة تلبس ثوبالملك والنسوان تقعد تحنيها وترودلها وامها وخواتها تبكي لفراقها
زمان كانت كسوة العروس ٣٠٠ دينار بشرط تشمل فرشة لحاف ومخدة
زمان كان أهل العرس يطبخوا المنسف والعصيدة وكل البلد تروح تتغدى .. اللي ذاق طعم العصيدة في هذاك الزمن بعمرو ما بنسى طعمها
زمان يوم العرس كانوا كبار صغار يزفوا العريس على فرس رجال تغني الدحية وتلولحي يادالية وهان واربط باب الدار .. والنسوان وراهم تغني احنا لفينا من بلد لبلد واحنا خطبنا بنت شيخ البلد
زمان كان هدم العم والخال والا ما بتطلع العروس من بيت أبوها ولما تيجي تطلع كانوا يغنوا لأهلها يخلف عليكم كثر الله خيركم ولا عجبنا في النسايب غيركم وديري رجالك قدامك يا أصيلة
زمان كانت ناس تستنى تنقط العروس لما تمر من باب الدور والرجال يغنوا ويخلفوا على اللي نقط
زمان لما كانت الصبايا تمشي ورا الزفة وكم شاب شاف صبية يومها وطلبها من أهلها
زمان كانت الأعراس في بيوت صغيرة بس واسعة بالمحبة والترابط .. والعروس تنصمد على طاولة خشب يشحدها أهل العريس من الجيران
زمان قبل القاعات والمسرح وزفة السيارات قبل أغاني نانسي وهيفاء وسعد الصغير قبل رقصة السلو والثوب الهندي وضيافة الكيك قبل ما كل واحد قاعد على طاولة بدون مايطرح السلام على جيرانه
زمان وأعراس زمان .. لما كان الفرح حقيقي

 

اظهر المزيد

مقالات ذات صلة

إغلاق