ياعينى على دا الحال
اه يا ليلى غنا وموال
وحكاوى على المكشوف
فى قلوب عمرها ما تشوف
غير ماضى الآم و جراح
اه يا ليل اه ياعين
ودى قاعده ما فيها كسوف
وده طبل وده مزمار
والشيشه عليها النار
والضحك بعلو الصوت
اه يا ليل اه يا عين
وانا قلبى يا ناس مجروح
والدمع بينزل سيل
لا أنا رحت ولا أنا جيت
مع انى كثير حبيت
اه يا ليل اه ياعين
احكيلك على اللى كان
وحياتك ماشفت النوم
وبدور يوم ورا يوم
عن اصل فراقك ايه
وانا حبى لك موال
نايه مجروح الصوت
اه ياليل اه يا عين
أنا قلبى يدق يقول
ده غرامك شرحه يطول
لففنى بلاد وبلاد
و اسأل فى كل طريق
عن حب قديم وجديد
يتجدد ميت مره فى يوم
يسهرنى ولا اشوف النوم
وكثير أنا شفت اللوم
اه ياليل اه ياعي
وبعد العمر ما فات
والخطوة بقت بحساب
تعاتبني وتلومني لوم
ده الهجر منك يا عذاب
والجرح ندبة فى حجاب
فى القلب مقفول عليه
وانا قلبى يا ناس مجروح
والدمع بينزل سيل
لا أنا رحت ولا أنا جيت
مع انى كثير حبيت
اه يا ليل اه يا عين
عز الدين عامر
