#فتة_الكوارع
#مطبخ_هاله
كوارع
ارز ابيض
شوربة الكوارع
صلصة
ثوم مفروم
كزبرة ناشفة
كمون
خل
سمنة
نسمي بسم الله وبعد المقادير ندخل علي التحضير
اسلقي الكوارع علي مرحلتين اول مره في مايه بتغلي شوية وبعدين غيري المايه وحطي فيها بقي حبهان وورق لورا وملح وفلفل ورشه سكر كده تخليها تستوي اسرع
اخلي بقي الكوارع زي مانتي عايزة وطلعيها من الشوربه وشوحي تومه في معلقه سمنه ورشه كزبرة وكمون والخل والصلصه والتوابل وخدي منها كبشه علي الكوارع وهي بتتشوح مع التوم والخل والملح والفلفل في معلقه سمنه
في صينيه حلوة بقي كده حطي العيش المفقع وعليه كبشه من شوربه الكوارع يا وعدي عليها والارز المسقي بالشوربه بردو والصلصه حاجة خفيفه كده ومن فوق حطي بقي الكوارع زي مانتي عايزة والف هنا وشفا
