ياللي بغيتوا الفخر .. اليوم ذا يومه
( يوم بدينـــا ) بتأسيس السعـٰوديـه
والفرحه اللي بوجه الشعب مرسومه
عند السعـــودي أبــد ماهي بعاديــه
الشعب حب الوطن كنه من سلومه
مامثل حب الوطن مع حب طاريه
كن سيرة المجد بأسم الدار ملزومه
وبكفوف سلمـــان دار العـز مبنيــه
ابوه عبد العزيـــز مسطـــر عزومــه
من يومها بندق و شلفا وجنبيه
المجد لوله خشير وشخصن يسومه
أشوف سلمـــان كسابــه وراعيـــه
واليوم أمير الزعامه تسطع نجومه
محمد وريث الشجاعه ساعة الهيه
والعز كانه نشد عن موعـد قدومه
لاقول في يوم ( تأسيس السعوديه )
مشاعل آل حريول
