ليالٍى تمر وفى العتمة
عيون تاهت من الظلمة
لا فيه قمرة تونسنا
ولا نجمة بترشدنا
والريح عاصف صريخ
حتى الكلام ما بقاش مريح
وفى الطريق شعور مريب
فى نهايته حقد مترصد….. وخوف
وفيه كلاب بتنبح وفيه صراخ وفيه عويل
هى الليالى بعدها مش بيجى لها النهار
ولا يمكن بقينا عميان العيون والبصيرة
و العتمة فينا والظلمة جوانا واحنا مش دارين
من يوم ما الدم طرطش … منا حابين ومنا ساكتين
ومصر بقت غمة واللمة بقت جوه فى الزنازين
يا عروسة النيل يا حزينة حاصروكى الملاعين
من يوم ما قفلوا المعبر وهجروا السيناويين
الشعب سخرة لراعى ديب نابه كبير
راشق مخالبه وشارب من دم حر فقير
عز الدين عامر
