*درر الشعر*
عذب الحروف
الشاعر/ سعد بن زمانان
لوحة شعرية تميزت بروعة التصوير وقوة التعبير رسمها شعرا وجسدها مشاعرا وطوع مفرداتها بتمكن وتميز الزميل الشاعر القدير سعد بن زمانان – معد ومقدم برنامج ديوانية الشعراء بتلفزيون الكويت- وأهداها -مشكورا- إلى أعضاء (نخبة الشموخ وتحمل هذه اللوحة عنوان (عذب الحروف ) :
على ودٍ وتقدير الظروفي
يدوم العهد مابينك وبيني
ألا يابسمتي أنتي وشوفي
ألا يامهجتي يانور عيني
جروحي بالحشا مثل السيوفي
أحس إبها على مر السنيني
كملتي وإكتملتي فيك نوفي
زهيتي وإحتويتي كل زيني
أديبه ياعجيبه بالوصوفي
على حبك شعورٍ يحتويني
غيابك عن عيوني زاد خوفي
شغل فكري وزاد الهم فيني
فؤادي لك ينادي ياشفوفي
شغلني هاجسك في كل حيني
ومن حبك على قربك شغوفي
وليفك من لهب صيفك حزيني
ألا ياغايبه ليتك تروفي
بحال اللي شكى جرح ونيني
سكنتي ثم مكنتي وسط جوفي
يزيد الشوق فيني والحنيني
ألا ياريم ياخشف الخشوفي
جمالك أنتي إلحالك يقيني
كتبت الشعر في عذب الحروفي
وشعرٍ أكتبه لأجلك يزيني
*سعد بن زمانان*
