يا بيت تعبت من الهجر حجاره…
وبكيت العين…لما
رحلوا حبابه…
وذبلت أزهاره
ريحة حبابي بهالدار..
بس هني غابوا ..
بعتمة…الموت وداره
لا بقي زينة ولا الوان..وتقطعت حبال..عرزاله..
شو كانت حلوي لمة حبابي..
تفرقوا…الحباب
وهالدار ما عاد حدا زاره..
تسيل دمعاتي كل ما مريت…
وصورة الخلان شغلت البال وأفكاره…
حتى طيور يلي كانوا يغردوا لبييّ ويضحكوا …هاجروا وطاروا…
يا أمي ما أصعب العتمة..بعّز النهار..
وأيامنا ذكريات وحكايات…صارو…
تعب القلب من الآهات… والدقات…عزفت حزن ع أوتاره…
والقمر حجب نوره وغاب…
تحت الغيم وغماره…
حتى الشتي…من كتر الدمع جفت..امطاره
يا وجع القلب لما الأهل يرحلوا…
بتتغير كل الدني والزمن…
يكشف للروح…اسراره
(ريحة أحبابي)
بقلم الشاعرة فاطمة مباركة
