يا مصر يَمّه
زيدي بالحَلا زيدي
واُتمايَلي بثوب العِز والنَخوَه .. وزيدي
إملي عُيونِك فَرَح .. أَمَل .. واُتمَخطَري
مِتزَنَرَه بالنيل على خَصرِك
يطَيرِك فوق البِلاد .. يراقِص نَهضِتِك
ويبقى كل يوم عيدِك .. وِعيدي
خَلّلي العِدا بغيظهم
وانتِ بالعُلا شامخه
للعِلم طارحَه ..
يا زَغرودِة أمل
يِعشَق وَريدي
الصحرا فَرشِتِك .. حاضنَه الهَرَم
حارسَه آثار القِدَم
وعليها بُنيان الزَمن
ماضي وحالي وجاي تاني
من جديدِ
يا حُضنِ دافي ..
بالهَنا وافي
يا بحر أحمر وأبيض،
يا سهول ووديان
تِملا الكون من زَرعِ خير،
وعِلمِ كمان
والحَضاره فيكِ .. كُلّها عنوان
قومي للسَبَق .. بالعلمِ والعُمران
واُرفَعي واُحفَظي
كَرامة الإنسان
وقُوة السُكّان ..
تِبقي
بُنيانِك المَرصوص
ولو فيكِ مِنصان
يِبني ويِدّي
وكُلّه في الميزان
يا دُرّة الأوطان
يَللا سَوا نغني .. ونمشي
نِرَمِّم جِراح القلب والوِجدان
ونعيد هِنا .. المَجد والعِزَّه
رايَه تِرَفرَف .. تِضَلِل ..
تِزَهَّر أمل .. تطرح فَجِر
تحيي مُرُوِة الإنسان
يا مصر يا أرضِ الكِنانة
ضُمينا ليكي نِفتِدكي
واُعزِفي لحنِ النَصِر
وعيدي وزيدي وجُودي
يا مصرِنا يا أمِّنا يا كُلِّنا
إنتِ لينا واُحنا ليكي
نهــــى عمــــر
عامية مصرية ويا رب يسامحوني أهلي المصريين
