وأيام الطفوله وشقع مزراب
وكانوا الناس عند لكبير يتجمعوا
وكانون النار وكان الحطب لهاب
وبريق الشاي منظرو ما اروعو
والميرمية تفحفح على لجناب
وكانت القهوه وبكارج بيلمعو
ونحاس وناس وفناجين وشراب
وكانوا الناس بأي شيء بيقنعوا
والقناعه ساطعه بكل دولاب
ويقعدو اسبوع ومَ كانوا يطلعوا
والمطر زخ و يخمع عَ لبواب
ومن اي أكله كانوا بيشبعوا
ويحمدو الله وما فش عتاب
وكانوا من العدس بيطعموا
.ضيوف وهيبه والها شناب
والحطب من صيفهم بيجمعوا
لهيك ايّام تجمع اهل واحباب
ويتسولفو واجدادنا يتربعوا
وحزازير وأمثالنا بلا حساب
كان المطر كالبدر في مطلعو
يرتاحو الناس ويحمدو الفوقان
الارض والزرع ومنظرو خلاب
