صباحكم سكر .وكل ايامكم ذكر معطر .
الواحد منا بفكر حاله انه بعرف كل شي
بس ثبت انه كل يوم بتعلم اشي جديد .
وانا امبارح تعلمت درس جديد لما كنت بامسيه في باقه بعنوان :
“المرأه أولى ضحايا العنف ”
أنا شخصيا كنت اعرف نوعين من العنف الا هن :الجسدي والكلامي .والا هو يا ستنا العزيزه ملاااان انواع .مثل العنف الاقتصادي مثلا .يعني اذا انت بتشتغلي وجوزك اللي بحاسب عنك وما بتموني تشتري اشي على زوقك .هاي عنف اقتصادي .
العنف العاطفي :يعني اذا جوزك بعز عليه وبحين يحكيلك كلمه حلوه هاي عاطفي .
وفي عنف ولا بحياتي فكرت فيه اللي هو العنف من خلال الاغنيه الشعبيه مثلا لما بنغني :
يا زريف الطول مر وما عليه
غير الذهب والجواهر ما عليه
وان ضربني وان قتلني ما عليه
وان كسر يدي لقول وقعت انا.
بما معناه ان المرأه رضيت بالاهانه واخفت الجريمه وأعطت الرجل شرعيه لضربها .
بديش اطول عليكم .كانت امسيه ناجحه مع نساء وجمعيات نسائيه من مناطق مختلفه.
يعني انا استفدت كثير .وكمان من تجارب بعض النساء وتجاربهن للوصول الى النجاح والخوض معركة الحياه عن طريق التحدي .
جعل الله جميع ايامنا أعيادا .
