عطينى رقم حلمك بيش فى المنام إنجيك
تبرد أشواقى بيك وناجيك
….
عطينى أرقامك أرقام غفواتك ورقم أحلامك
بالك منامك إيجيبنى قدامك تعرف حنينى وكيف شوقى ليك
تلقى روح تسبح فى أبحور غرامك
وتلقى جروح مفتوحه دواها بيك
بالك أتروف وتعطف أدز سلامك
وتكفف ادموعى اللى أتسيل عليك
أيروق خاطرى بعد الجفاء بأنسامك
الله والنبى أرحم رجايا فيك
عطينى أي مايلك بيش نوصلك ونشاركك فى ليلك
نبقوا خليل وخل بيش نشكيلك على جرالى قبل ما انغاليك
تعرف أمورى ع الجفاء نحكيلك
ماللى هجرنى قبل ما أنلاقيك
دار للعواطف سوق عينى عينك
دلل وقال للحب من يشريك
كمين سبله ايدور على تخبيلك
إيجى إيحاسبك حتى عل ماضيك
كذه قولى وإحكى بكل ظميرك
جاوب أسوالى وسيبنى أنشاكيك
يرضيك هكى إيحيروه دليلك
بالله ضيفنى انكان ما يرضيك
