#البقلاوة
مقادير عجينة البقلاوة:
1 كغ طحين
نص كاسة ماء
ملعقة ملح 20 غ
80 غ زيت نباتي
20 غ سكر بودرة
3 ملاعق كبار قطر تقيل جداً سميك
الطريقة العمل
يخلط الملح والزيت والسكر والقطر مع بعض
ثم توضع كلها فوق الطحين ويتم العجن بشكل جيد حتى يصبح قوام العجينة ناعمة وشبه طرية بس أقسى من عجينة الفطائر تقريباً بقوام عجينة الخبز
ثم تشكل العجينة ﻷسطوانة وتقطع اﻷسطوانة ألى 26 قطعة متساوية (وزن القطعة 60 غ تقريباً) ثم تغطى بكيس نايلون ثم نتركهم يرتاحو لمدة نصف ساعة
( أو نترك اﻷسطوانة ترتاح بكيس نصف ساعة ثم تقطع لقطع ثم تشكل القطع لكرات صغيرة بحجم حبة الجوزة ثم نتركها ترتاح نص ساعة)
ثم نغلفها بالنشا بشكل جيد
ونفردها واحدة واحدة بشكل قرص صغير
ونضع كل 12 قرص فوق بعضهن مع رش كمية وفيرة من النشا حتى لايلتصقو ببعض
ونبدأ بفرد ال 12 قطعة مع بعض بالنشابة
حتى يصبح قطرها 75 سم تقريباً
لازم تكون طبقة البقلاوة برق ورق السيجارة شفافة
وهيك بتكون العجينة جاهزة
لتطبيق الصينية
البقلاوة
لصينية قطرها 42 سم
أو قياس الصينية حسب مابدكن
بعد مافردنا عجينة البقلاوة لرقائق رقيقة جداً
بنجيب أول 12 قطعة فردناهن بنحط فوقهن الصينية وبنقص الزوائد
نلف أول طبقة عالنشابة وبنفردها بالصينية
بعدين بنجهز الفستق أو المسكرات
بنجرشها خشن
الكمية حسب رغبتكن بتاخد تقريباً نص كيلو مكسرات بتطلع ممتازة
بنرش المكسرات شوية سكر ملعقتين كبار
بنرش معلقة مي وبنفركهن لحتى يدبقو
بنوزع الفستق وبنفردها بدون مانوصل للحواف
بنكون أخذنا قياس الرقائق التانية بنلفها عالنشابة وبنفردها فوق الحشوة
ترص البقلاوة جيدا حتى تلتصق الطبقات مع بعض
تقطع بسكين حاد لمربعات أو معينات
ندوب نص كيلو سمن حلوب حيواني
ونزوعه عالبقلاوة
بنكون مسخنين الفرن على حرارة 180
فقط من اﻷسفل
ندخل الصينية فقط من تحت لمدة 45 دقيقة بالضبط أو حسب قياس الصينية أذا كانت أصغر مابتاخد وقت
حتى تتشقر اﻷطراف وتصير دهبية
ومن اﻷعلى لمدة 12 -15 دقيقية حتى تاخد لون أشقر
بنكون عجنب محضرين قطر تقيل وسميك
عيار القطر
1 كيلو سكر
200 غ ماء
ربع معلقة صغيرة ملح الليمون
نضع السكر والماء على النار حتى تغلي
بس تغلي بنضيف ملح الليمون ونقلب شوي بس تغلي كم غلوة نطفي النار
بدنا القطر عم يغلي للبقلاوة
بس جهزت البقلاوة بنصفي السمن الفايض
بنسقيها بالقطر السميك المغلي
وتترك لمدة 5 دقائق
ثم نصفي القطر الزائد
وتترك البقلاوة حتى تبرد تماما قبل التقطيع والتقديم
وصحتين وألف هنا
البقلاوة بحذافيرها مع اﻷسرار
