مقالات

إبر ودبابيس – الدور على مين بقلم نايف خوري

• ما شاء الله الأسلحة كثيرة بين إيدينا.. والرصاص وفير معنا..
• كل بيت عنده قطعة سلاح أو ثنتين.. والرصاص بنرشه رش..
• وإذا بدك غير مسدسات، عنا بواريد، ورشاشات.. وقنابل.. الحمد لله..
• فكرنا تكون أعياد المسيحية خير علينا.. أو أعياد اليهود تكون أفضل..
• فكرنا الانتخابات تغير الأحوال، والمظاهرات تبدل الزفت اللي غاطسين فيه..
• وأجا علينا رمضان، شهر الخيرات والبركات، شهر العطاء والتسامح..
• أحلى شهر بالسنة، والصوم، والصلاة والقداسة.. وأعمال الخير، ومحبة الناس..
• لكن بالعكس، كل يوم قتيل، وكل أسبوع قتيل أو اثنين.. شباب، رجال..
• بنات بعز شبابهن، صبايا، نسوان، أولاد، كلهم تعرّضوا للقتل.. ما في تفرقة..
• القتلى من كل البلاد، اليوم من المثلث، ومبارح من الجليل، وأول مبارح المرج..
• قالت خالتي نبيهة: القاتل ما بهتم لا برمضان، ولا بالصوم، ولا بالصلاة..
• ما بعرف ربه ولا بعرف أخوه، ولا بهتم بقريبه أو قريبته.. القتل عن جنب وطرف.
• كل يوم قتيل، وتحقيقات شرطة فارطة، مين مقتول اليوم؟ وبكرا الدور على مين؟؟؟
أبو إلياس

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق