💔وكل واحد صحي الصبح شاف هالاسم وصار عنده حب استطلاع يعرف مين هاي وشو قصتها، اسراء بنت ال ٢١ سنة من بيت لحم،👋البنت الي قضيتها شغلت ناس وناس متطلعوش عليها ومحكوش عن هالقضية، اسراء الي انقتلت ظُلم وانتقلت بلا سبب يدعي قتلها!😅السبب انها طلعت مع خطيبها وبعلم اهلها،💔بس الي صار انه في ناس متحملتش فرحتها بخطبتها،متحملتش فرحتها بخطيبها،متحملتش تشوف ضحكتها وفرحها،وراحوا يحكوا لاهلها حكي غلط عنها ومش مزبوط لحتى هم يرتاحوا ضميريا ونفسيا😌هي البنت بقت قضية تخلف وعقول فاضية وفارغة، مثلها مثايل من البنات الي راحوا وماتوا باول عمرهم بسبب قضية اسمها قضية “العار/الشرف” او على ما يبدو قضية التخلف..
كثير بنات وكثير ضحايا راحوا تحت هذا المسمى المتخلف عقليا ،تفكيريا،نفسانيا، قتلناها لانها عملت جريمة شرف ، وولا مرة كان القتل هو الحل والضرب هو طريقة للمواجهه، هناك عدة طرق والحلو كيف نعرف نستخدمها،كلنا توجعنا عإسراء كلنا تذايقنا عخبر موتها كلنا مغدرناش نستوعب انه لحمها ودمها غدروا يرموا دمهاا ببلاش ومفكروش انها بتكون قطعة من روحهم مفكروش انها بنتهم واختهم👌وال هالقد دم الاخت والبنت رخيص لحتى نقتلها ونرميها 😅💔لحتى نقول انها مش بنتنا،لحتى نتبرأ منهم ونقول انها “خزتنا ” بالعربي وكيف ما بفكروا،تعلموا طرق التفاهم،تعلموا طرق الحوار،تعلموا حسن الاصغاء،وتبادلوا الافكار والاراء لحتى تغدروا تحلوا مشاكلكم،لحتى تغدروا تواجهوا الي قبالكم بأغلاطه،لحتى ما تقلبوا الحق عليكم بعد ما يكون معكم..فيكم تواجهوا هاي المشاكل بشتى الطرق المختلفة القتل ولا مرة كان غسل عارك اذا انت مسمي هاذ عار ،، العار عليك انك صدقت الغريب وشككت ببنتك واختك بكفي تقتلوا ارواح معاشتش حياتها لسا مشافتش اشي من الدنيا، مش ضايل غير بس ترجعوا لوأد البنات عشان يبطل في عار🤷♀️
#البنات_مش_عار👋
#عقولكم_هي_العار..
#تفكيركم_هو_الجريمة😒
#عقول_مصدية
#عالم_ضايعة
#الله_يرحم_كل_الضحايا_يلي_راحت_بسبب_التخلف💔
