شهـــر رمضـــان*

هلّ رمضان وحــلّ وإِعْلن بالإعـلام
وسَما به التَرحيب نثــر ٍ ومَنْظــوم

جَـــادت بذِكْــره والثنـاء كلّ الأقلام
بالنَّــصّ مذكـــور ٍ وبالعِلْـم مَفْهـوم

هبّت بغيث الخَيْر نَفْحـات الأنْسَام
والليّ نــوىٰ به يجْتِهد يَقْصـر النَوم

زاد الفَــــرح بــه والتباشِــير قــدّام
لليّ صيــامه مــا حَصَـلْ فيه مَثْلوم

يَفْـــرح به الليّ للعمــل مُلْهَم إلهام
الليّ بشــوق ٍ يَنْطر الصَّـــوْم بقـدوم

يا أفضل شهر بالأجْر عن باقي العـام
حييــت يا شهر الفضايل على الدَوْم

حييـت يــا شهـر العبـادة والأنعــام
شهر التسامح والتسابيح والصَّـــوْم

يا حــافل ٍ بأمجاد في عــزّ الإســلام
شهـر النَّصْر والعزّ والفَتْــح معلــوم

يــا خـــير شهــر ٍبالليـــالي والأيــام
شهــر ٍ بــروح الخَيْر والنُــور مأسوم

شهــر الفضــايل و التــراويح وقيـام
شهــر التجــارة والتوافيــق بالسَـوم

بين الــوریٰ يزيد به وَصْـل الأرحــام
من منطلق واجـب وعادات وســلوم

مــن أجـر القِيام وبرّ الأيتــام وصِـيام
يا الله عسىٰ مــا بيننا فيــه محـــروم

به ليـلة ٍعــن ألــف شهــر ٍبالأحكــام
بالأجْـر يا الليّ بحُسْن الأعمال ملزوم

يـــا الله اتحــقـق للأمـــاني والأحـلام
‏وعسىٰ العُمْر في خير الأعمال مختوم

‏تمّــت وصَــلَّوا عــدّ مـا طـــاير ٍحــام
على النبيّ المصطــفىٰ خير معصــوم

*عبدالعزيز سليمان الفدغوش*