درر الشعر

يامنيتي حبك ولافيه غيره
ياللي بوسط القلب صلتي وجلتي

أنتي ترى سيره وياحلو سيره
ياللي على زين الوصايف حصلتي

يازينة الزينات تسوين ديره
أنتِ الوحيدة من غلا القلب نلتي

ياساحرة يافاخرة ياأميره
تبقين زهرة يانعه ماذبلتي

ياشارقة بإشراقك شروق نيره
يابدر قمرا في ضياك إكتملتي

ياكم هنوفٍ صابها منك غيره
وياكم عقولٍ من جمالك ذهلتي

أبأسألك عن حبنا وش مصيره
يازاهيه ياناهيه ويش قلتي

ياعطر فواحٍ شذى من عبيره
ماأرتاح كانك عن عيوني رحلتي

*سعد بن زمانان*