حكاية أمة
أمي كان الإحتفال رائع؛
_مشان شو الإحتفال..؟؟
أمي
حكيتلك قبل ماأروح ..
عن الشهيد..!
وألقوا كلمات والمتحدثين كانوا من اليمن ومن سوريا ومن العراق ومن ليبيا كمان؛
_ حلو..وبعدين..؟
أمي آخر الإحتفال في محطة فضائيه عملت مقابله مع ختياره مابعرف هي من وين …
سوريه او من فلسطين؛
_حبيبي ..لاتحكيني نحوي….سولفني شو حكت الحجه..؟
أمي
المذيعه ..سألت الحجه
شو حابه تحكينا عن شهداء الامه..؟
بتعرفي شو قالتلها الحجه..!!
_شو قالت..؟
أمي
تنهدة الحجه وقالت:
قبل ما أحكيلكم عن شهداء الامه…ليش مافي معكم ممثل عن فلسطين..؟
وقالت:
في اليمن وسوريا وليبيا والعراق …المسلم بيقتل اخوه المسلم والعربي بيقتل العربي؛
ويلي بعرفه
( اذا التقى المسلمان بسيفهما فالقاتل والمقتول في النار)
بتعرفي أمي
كانت المذيعه بدها تنهي المقابله …لكن الحجه مسكت الميكرفون وقالتلها استني بعدني ماخلصت كلام؛
وكملت الحجه وقالت:
كل يلي بيتقاتلوا بهذه البلدان ناس بيتقاتلوا مشان المصاري والمناصب والنسوان؛
لكن في فلسطين:
نعم شهيد والله أعلم…لأنه الفلسطيني بدافع عن ارضه وعن عرضه وشرفه وعن دينه..مو عن كرسي سيده؛
ولهيك انتوا استبعدتوه ؛
وآخر شي قالت:
الشهادة بحددها رب العالمين لانه اعلم بالنوايا ؛
بتصدقي أمي
بعد ماخلصت الحجه صفق لها الجميع وهما واقفين؛
_ياابني حبيبي
صدقت الحجه وكذب المنافقين؛
