بجد اللى عنده بنات ينتبه جدا جدا عليهم اليومين دول في بنت راحت سوبر ماركت إشترت كيس شيبسي وعصير وهي راجعة للبيت شافت ست عجوزة ماشية وراها
المهم الست دى مشيت وراها لحد البنت ما وصلت البيت ووقفت العجوزة عند البيت وأول ما دخلت البنت الصغيرة راحت حكت لأمها اللى حصل
طلعت الأم من جوة لقت الست العجوزة واقفة جنب البيت قالتلها إتفضلي يا حاجة خير فى حاجة
قالتلها لا شكرا بس ناديلى البنت الصغيرة إللي دخلت من شوية
قالتلها أنا أمها لو البنت عملت حاجة إحكيلي “بصت لها العجوزة وقالت : ممكن تناديها بس
خافت الأم ودخلت قالت الأبوها وطلع الأب “وقال خير يا حاجة مالك في ايه قالتلوا نفس الكلام وإنها عايزة تشوف البنت الصغيرة ” أهل البنت خافوا وبصراحة عندهم حق وشكوا فى العجوزة ”
قال الأب : إقصرى الشر يا ست انتي وامشى من هنا وإلا هطلبلك الشرطة
قالت العجوزة مش هقدر أمشى غير لما أشوف البنت
راح الأب مبلغ الشرطة وجت الشرطة ولقو العجوزة قاعدة عند البيت
الشرطة قالها مالك يا حاجة ؟؟؟ قالتلهم خلونى أشوف البنت الأول وبعدين اعملوا إللى انتوا عايزينه
قال الأب : ما دام الشرطة موجودة تعالي يا بنتي كلميها ونادوا على البنت
قالتلها العجوزة : أنا هقعد عند الباب وخلصى كيس الشيبسى هاتيهولي علشان أفرقعه
محدش يشتم ارجوكم
