الحراك الشعبي اليوم في تونس لإسقاط الحكومة التونسية و حركة النهضة الإسلامية من البرلمان

بعد أن قال : خطاب الرئيس مخيف وخطاب عبير موسي شعبوي فاشي
ياسين العياري بنتقد احتجاجات الشعب يوم 25 جويلية 2021
‏
شهدت تونس في جل محافظاتها (ولاياتها) العديد من المسيرات الشعبية، كانت في ظاهرة حراك شعبي مناهض للوضع السياسي و الاجتماعي و الاقتصادي في البلاد.. إلا أنه المتابع للشعاراتالني قيلت هي محاولة لإسقاط الحكومة التونسية التي تلقى دعما من حركة النهضة الإسلامية.
ياسين العياري هو ناشط ومدون ومهندس شبكات وحماية إعلامية تونسي ونائب شعب. هو من أطلق إشاعة رفض رشيد عمار قائد جيش البر آنذاك أمر الرئيس التونسي السابق زين العابدين بن علي بإطلاق الرصاص على المتظاهرين،و هو منذ فيفري 2018 نائب في مجلس نواب الشعب.
وُلد ياسين العياري للطاهر العياري المقدم بالجيش التونسي الذي قتل في أحداث الروحية في 18 مايو 2011. درس الإعلامية في جامعة إسبري الخاصة.
ياسين العياري كاتب عام حركة سواعد وناشط في مجالات حرية الإنترنت ومكافحة رقابة الإنترنت والمصدر المفتوح. شارك مع عدد من المدونيين من بينهم لينا بن مهني في فعالية” نهار على عمار” لمكافحة حجب مواقع الإنترنت في 22 مايو 2010. وشارك رفقة سليم عمامو ومدونيين آخرين في مبادرة “كلمتهم” في 25 يوليو 2011 التي تهدف إلى إسماع صوت عائلات شهداء الثورة التونسية. تم إيقافه ثلاث مرات في عهد الرئيس التونسي السابق زين العابدين بن علي. ترشح لعضوية المجلس الوطني التأسيسي على رأس قائمة “شباب الأحرار” في زغوان.
عضو مؤسس بحركة أمل و عمل المستقلة و نائب عن دائرة ألمانيا حاليا وقد ترشح على رأس قائمة أمل وعمل المستقلة عن دائرة فرنسا 1 وفاز بمقعد في انتخابات 2019 في انتظار أدائه للقسم وتجديد عضويته في البرلمان
تابعت و أتابع تحركات و إحتجاجات اليوم، لإسقاط المنظومة، لإسقاط السيستام
ياسين العياري ينتقي الحراك الشعبي، في تونس، و الذين قيل أنه تلقائي ، حيث كتب التالي :

حتى شعار ضد الإتحاد؟ ضد الأتيكا؟
ضد المبروك و شقرون و البن عياد و البياحي؟
ضد الماء المعدني دبابز بلاستيك في بلايص إماليها عطشة؟
ضد الي يخدمو في العباد تحت حيط سارقينلهم عرقهم؟
ضد عقلية البوليس و النظام التعليمي؟
ضد نواب الموت، نواب الكلينيكات؟
ضد عايلات الغورة؟
ضد الفساد في الرياضة و وديع؟
حتى شعار ضد الرخص و الجعالة الإجبارية و أرجع غدوة؟
حتى كليمة على دولة الفاكس و التعريف بالإمضاء؟
البحث العلمي، الصحة العمومية ماهمش ضحايا المنظومة؟
البيئة و الماء الي ضحاو بيهم باش يعملو فلوس يهربوها لبرة، ماهوش هذا السيستام؟

مثبتين تحركات لإسقاط السيستام؟ النظام؟ المنظومة؟

سمعت يا غنوشي يا سفاح يا قتال الأرواح.
ريت إقتحامات لمقرات النهضة.
ريت هجومات على جناح واحد من أجنحة و خدام و صناع المنظومة.

يتغشش الي يحب و يكمل يتفلق كان موش عاجبه، أما كور بيكم السيستام اليوم.

النهضة وفات مهمتها، إستعملها السيستام، عشرة سنين، كمل منها، ما عاد عندها ما تزيد و ما تقدم.

تو بش يلوحها في الزبلة، مكانها الطبيعي.

حاشتو بصناع جدد، يخدم بيهم العشرة سنين الجايين، باش يواصل نفس السياسات.

الكوكوت تغلي بش تترشق
هانو حلها نفسها شوية، يتعدى الغضب يستعمل الشباب وقود و حطب في حرب تبديل الصانع، يدفع جيلنا الثمن، ناخذو حربوشة وهمية متع إنتصار و السيستام يتواصل.

قريبا يوصل عمري 40 عام.
مرارة الثورة لتو في حلقي، كيفاش أحنا نكسرو النظام في بالنا، لكن كسرنا كان صناعه و ركبو علينا الأكثر تنظما فتعداو العشرة السنين الي شفتوهم.

أحمق من لا يتعلم من الماضي.

كله طبقي إقتصادي، العركة الجاية يا تكون مع جوهر السيستام، الأربعة عايلات متع جيل عام 60 و ادواتهم و عقليتهم و كل أذنابهم و منظماتهم و حماياتهم، عركة ما تكتفيش بإنها تعرف إش ما تحبش، لكن تعرف زادة إش تحب : عقلية امنية و بوليسية جديدة، عقلية جديدة في الإدارة و النقابة، تكافؤ فرص و مرفق عمومي، نظام تعليم و تعليم عالي عصري، إقتصاد تنافسي مفتوح وين كل تونسي بغض النظر على لقبه و مكان الولادة و بوه إش يخدم ينجم ينجح، كورة و رياضة نظيفة، عدالة جزائية و جبائية و صحية و بيئية و في الماء و النقل و التنقل و في عام الجيش، إدارة رقمية خاطر الأرديناتور ما عندوش بعثني ليك شكون، نظام بنكي تحت الرقابة، حريات فردية للجميع و دون لكن، صندوق الدعم موش للي لاباس عليهم…

هذه منظومة جديدة، يستحقوها أولادنا و تستحق ان نحارب من أجلها، سترون ان الكل سيحاربكم حتى لا تحصل حتى الي زعمة زعمة معاكم تو، خاطر هذا هو السيستام.

مبروك، السيستام خدم بالنهضة 10 سنين، مسح بيها مؤخرته و الآن و يبحث عن صناع جدد.

هل أنتم مستعدون لعشرة سنين أخرين تجمع، و بعدهم 10 سنين نهضة و بعد عاود من جديد؟ هل هذا قدرنا؟

ربما فيكم شكون تظاهر اليوم و حرق مقر النهضة الي يستاهل أغلب قيادتها المحاكمة، و هو اليوم أقل غضبا.. هاني تنفست الكوكوت.

عن نفسي و هذا لا يلزم أحدا غيري : نجح السيستام ليقوي نفسه اليوم و يمهد لصناعه الجدد، مبروك.

سأواصل الصراخ حتى وحدي :

تسقط البيروقراطية النقابية و التبوريب النقابي
تسقط كرتالات الإقتصاد، إقتصاد العائلات
يا بوليس موش هكاكة، علاش تقمع ولد طبقتك! تعلم إحمي!
رياضة نظيفة
إقتصاد حر حر، أوتيكا خر طر
صحة للجميع، تعليم عصري بحس نقدي
الماء الماء البيئة!
إقتصاد أخضر
دولة رقمية
شباب يحكم
عدالة جبائية! عدالة جزائية! عدالة في الخدم! عدالة بيئية
المبروك، شقرون، بن عياد، بلخيرية la caisse ou la casse
صلح صلح منظومة الروترات
الحريات فردية الخلاص جماعي

سأعارك دائما العروفات، تعاركت مع الصناع 10 سنين، فما غيّر ذلك شيء.

احنا الجيل المضحى به، generation sacr