خواطر

قضايااجتماعية مع ماريا ابو واصل ام خالد

مساكم احلى  وجمعتكم مسره .
اليوم بدنا ننتقل من الافراح للأتراح
(الله يكفينا احنا وجميع الامه الاسلاميه
شر الاشرار .ولو انه الموت حق ومش شر .
ما علينا .بما انه اليوم الجمعه ويوم مبارك
عند هالاسلام .وبقولوا نيال كل واحد بموت يوم الجمعه .قال يا ستي على راي الناس . انه عالجنه طوالي !!!!!!!!!!!!!!
ولكم يا عالم انا في شغلات ما بستوعبها ابدا .الا اذا انا غلطانه طبعا (بعرفش )
هسه لعاد كل اللي بموتوا بباقي الايام عالنار طوالي ؟؟؟؟.والا كل واحد وعمله؟
والا هذا قرار للواحد الاحد ؟؟؟
طيب .بعد ما يغسلوا الميت وبحطوه بين النسوان عشان يودعوه .لليش اللي بتقرب له واللي ما بتقرب له بتكون واقفه بالدور ويا ريت كمان بالدور إلا بتحاشر وبتزقزق وبتجدف كإنها بالكياكم ؟؟؟ شو لزومه ؟
وشو بدها تشوووووووف ؟
آه انا بقلكم : شو بدها تروح بجعبتها ؟
مجبوره تخرف لها اشي .
الوجه اصفر اصفر !!! قال على خير .!!!
الجسم بتنعنش تنعنش زي الحرير !!!
صلاة النبي مش ظايل حدا بالبلد الا ما هو جاي !!!! قال اهله بجاملوا كثير بالاتراح !!!
أما شو جنازتها !!! الزلام من الجامع للمقبره الزلمه على أخوه !!!!!!
بتعرفي ؟طايرين فيه او فيها طبعا .طير
الله اعلم انها على خير ! طيب واللي مش طايرين فيه ؟؟؟ يعني على شر ؟؟
وبتبدا التعليقات :
عيطن كثير .شوي .نص على نص .!
يي بقوا حرب مع دار فلان !
والله ما حنا متأكدين بقى يصلي والا لأ ؟
عزا وليش مش معزلين ذيال هالدار ؟
ما صار له شهر بنازع !!!
وآخر فيلم .يلا يا بنات الحلال .
اذكروا محاسن موتاكم .
هاي بعد ما غربلوهم ونخلوهم .!!!!!
أقلكم :
فش حاجه لبيوت الأجر .ولازم على المقبره اهل الميت يعلنوا .وحسب رايي مش عيب .
صارت بيوت الأجر للخراريف والأخبار والمغيبه والانتقادات ومرات بتوصل للطواش .ولليش هالدواوين الفاظيه ؟؟؟
بس آه !! نسيت .بخافوا يقولوا عنهم محينين بفقيدهم بيت الاجر .او يقولوا عنهم بخيلين .
خليهم يقولوا ولازم حدا يبدا .عشان الناس تلحق .(مجرد رأي لا أكثر ولا أقل )image

مقالات ذات صلة

إغلاق