مساكم خير يا وجوه الخير .
بعد الصلاة على النبي .(صلوا عليه )
بالكم شو هم هالاميات اللي اولادهن بتعلموا بالمدرسه ؟؟
العلامات والشهادات .ولو يطلع بيديهن يعملن الامتحان عن اولادهن ما بقصرن .
ولو يهم لهن يشترين العلامات الفصليه كمان ما بقصرن .
واول ما يصل الولد عالدار .
شو تعلمتوا ؟ كيف كان الامتحان ؟
اي والله اذا كل هالحراث وما جبت ميه الا احرمك الخبز توكله !!!!!
والولد دايما مضغوط ومعصب وحالة البين حاله !!! لليش ؟
والسؤال هو :
1 كيف كان يومك ؟ مبسوط ؟ في حدا ضايقك اليوم ؟ مع مين لعبت بالفرصه ؟
مين اكثر واحد بتحبه بالصف ؟
في حدا بنتبه لهالشغلات ؟؟؟؟؟
يا جماعة الخير انتبهوا لاولادكم الصغار .في ظاهره منتشره واللي هي (التحرش الجنسي من قبل اولاد اكبر منهم بكثير )
ديروا بالكم مع مين بروحوا عالدار ومع مين بروحوا .ومن فتره لفتره إتطرقوا للموضوع بشكل عرضي وشوفوا شو ردود الفعل وشو هالولد عنده قصص وحكايات .
هذا الموضوع برايي مهم جدا ومتابعته مطلوبه وضروريه واليوم فش أمان لحدا
قبل ما هالاولاد يقعوا ويصيبهم اكتئاب وانتوا مش منتبهين .
