ثقافه وفكر حر

من اختيارات التربوي المتقاعد عوني عارف ظاهر قصة المثل : الله لا يوفقك.. ضيعت علينا أكل اللحمة

بالزمانات كان في قصاب قاعد يقطع لحمة
طارت شقفة عضمة وفاتت بعينه ، صارت عينه حمرا وعم توجعه

راح لعند الحلاق لان ماكان في مشافي ولادكاترة..

فحص الحلاق عينه وقلو بسيطة
مابدها شي ، شوية تعقيم مع مرهم وضمدلو ياها
وقلو كل يوم مر عليّ على شان كل يوم أنضفلك عينك

ثاني يوم هالقصاب اخذ كيلين لحمة ، وكيلو سودة للحلاق ،
والحلاق ماقصر ، تنضيف ومرهم وماحرك العضمة خالص

وضل الوضع هيك ايام وايام والحلاق يوكل كل يوم بهاللحم

وبيوم اجا القصاب ومالاقى الحلاق
لاقى ابنه

قال الولد ؛ اهلين عمي.. أمرني..

قلو القصاب ابوك معلمك الصنعة..

قلو الولد أي نعم وبعجبك

قلو شفلي هالعضمة بعيني

قلو مابدها شي شغلتك بسيطة هسع بشيلك ياها..

وبالفعل بثواني سحبها ونضف عينه

بالليل رجع إبن الحلاق عالبيت
وسأل أبو الولد مين اجا عالدكان وشو اشتغلت..

قلو الولد اجا القصاب وطالعتلو العضمة من عينهt

قلو الأب
الله لا يوفقك.. ضيعت علينا أكل اللحمة..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق