الخلاف في البداية كان ان عادل امام كان عايز يعرض مسرحية مدرسة المشاغبين مرة تانية وفعلا راح لكل اللي كانوا موجودين وقتها في المسرحية وكلهم وافقوا ما عدا احمد زكي لأنه شاف ان الدور صغير او تعالى على الدور زي ما وصفه عادل امام مع ان ده كان من حقه لأنه كان نجم وقتها …
بعد كده كان وحيد حامد بيكتب فيلم طيور الظلام وعرض الفيلم في البداية علي احمد زكي علشان يختار الشخصية المناسبة له واختار احمد زكي شخصية علي الزناتي اللي قدمها بعد كده رياض الخولي وبعد كده عرض الفيلم على عادل امام ووافق علطول ولما عرف احمد زكي ان عادل امام هيبقى معاه في الفيلم فرح جدا لكن بعد يومين طلب من وحيد حامد انه يبقى شخصية فتحي نوفل وده اللي رفضه وحيد حامد فأعتذر احمد زكي عن الفيلم …
فيلم الحريف واللي محمد خان طلب من احمد زكي انه يعمل قَصة شعر معينة ولكن احمد زكي تاني يوم حلق شعره بطريقة عكس اللي قالها له المخرج خالص فرشحوا عادل امام للدور ووافق علطول وبعد كده الفيلم بيفشل جماهيريا علشان محمد خان وعادل امام يتبادلوا التهم زي ان عادل امام قال ان كادرات محمد خان مملة وان محمد خان قال ان عادل امام ادائه مكنش مناسب وبيعمل احمد زكي في نفس السنة تقريبا فيلم شادر السمك اللي حقق نجاح كبير وقتها ومع ذلك كان ندمان على فيلم الحريف ..
فيلم الارهابي اللي كان خلاص هيعمله احمد زكي لكن اتفاجيء ان عادل امام هو اللي هيعمل الدور وده اللي ضايقه جدا .
فيلم البيه البواب اللي عادل امام صور منه مشاهد بالفعل لكن اختلف مع الشركة المنتجة وبعد كده اعتذر عن الفيلم ويروح الدور بعد كده لأحمد زكي ويبقى من أهم أعمال احمد زكي …
الناس كانت بتتمنى انهم يجتمعوا في عمل واحد ❤
By : Mo Ahmed
