القصه حقيقيه حصلت بالفعل الجزء الخامس والاخير / استمع

طبعا فاكرين لما الشيخ سأل الجن عن اسمه وديانته ومين اللي أمره انه يعمل كدا

رد الجن
انا الي اخترتها  ومحدش هيقدر يبعدني عنها.. انا العاشق الي ساكن جواها ،انا الدم الي بيجري جواها،انا الروح
انا الملك تيمارووون
بحكم الف جان مسخرين لخدمتي وخدمتك
تؤمري كل شي تحت امرك..تشاوري تلاقي كل حاجه تحت رجليك

فجاءه لقيت نفسي علي سريري ووسط عيلتي والشيخ ماسك المصحف وبيقرأ منه..
-الحقوووني..الحقني ياشيخ ابوس ايدك الحقني

الشيخ مش بيرد عليا وبيقرأ قرآن وجوزي واقف جمبه مكاني على السرير.ندهت بعلو صوتي هموت لكن محدش راضي يسمعني سمعت جوزي بيكلم الشيخ وبيقوله.
– مراتي بتنده علينا ياشيخ

دي مش مراتك يا احمد..ده الملعون الي جواها هو الي بيحركها وبيتكلم بلسانها
لا لا يا حمد ارجوك ده انا صدقني اناا..
امي في اللحظة دي وصلت فتحت باب الأوضه وجريت علي السرير وحضنتي والشيخ وقف قراءة القرآن

فهمت منه أن صاحبتي حنان كانت بتحب احمد جوزي جدا وكانت متوقعة انو هيتجوزها فلما عرفت ان أحمد اتقدم لخطبتي اتجننت وبقى كل همها ازاي تفركش الموضوع فراحت لراجل بتاع اعمال سفلية وطلبت منه يعملي عمل علشان اتجنن واحمد يبعد عني وقد كان الراجل بتاع الأعمال لي مش بيخاف ربنا سلط على ملك من ملوك الجن العاااشق في بيت باب وعشقني من
ساعة الخطوبة ومش بس كده..للاسف عمل معايا كذا مره علاقه وطبعا من غير ما احس..انا مش مصدقه ومش مستوعبه الي بيحصل،بعد ما الشيخ خلص كلامه حسيت اني في دنيا تانيه بس بدأت افهم واستوعب أن اكيد هيكلمني واني مش في وعي وكل ده جوا عقلي الباطن

الشيخ رجع تاني يكمل جلسة القران وزود بخور
وفجاءة السرير اتحرك لنص الاوضه ولقيته ظاهرلي ولاول مره وطالع من وسط النار لاول مره بتفاصيله الحقيقه..كائن من النار بعيون سودا وواسعه اوووي
مسحوبه لآخر وشه..طالعه قرنين ملفوفين علي بعض،ده غير شوية تفاصيل مش عارفه اوصفها..بيقولي بصوته المزعج اني بتاعته ومحدش هيقدر ياخدني منه..في الوقت ده سامعه صوت الشيخ حواليا بس مش عارفه جاي منين.والاوضه بدأت تضيق عليا والسرير بيترفع بيا وانا مش عارفه اصرخ ولا اتكلم وكالعاده حاسا اني مربوطه ومتكتفه.ركزت شويه في صوت الشيخ لقيته بيقرأ قرآن..ويسكت شويه ويقولي حاولي
حاولي..صرخت وبقوله مش قاااادره..لقيت صوتي طلع،
ايه ده انا صوتي ظهر اهوو..اخيرا صوتي طلع..كلمت الشيخ وعليت صوتي لاني حاسه أنه سامعني
-اعمل ايه ياشيخ قولي اعمل اييييه؟!
-قولي ورايا .
(اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ)
انا سامعه صوت صريخ وانين عياط..معرفش منين بس تقريبا الموضوع بينجح،
فضل الشيخ يقولي آيه ورا آيه وسورة ورا سورة..وانا سامعاه وبقول وراه
لحد ماظهرلي لآخر مره عمري ماهنسي الي حصل في المره دي بالذات..وقف قدام امي وهو بيترجاني وبيقولي

-انا عاشقك انا خادمك انا عاوزك..انا الملك انا الجبروت انا الملك تيمارووون
-انت ملعون ليوم الدين..انت ضعيف ربنا الحي الذي لا يموت وهو الجبروت وهو الرحمن..انا عمري ماهكون ملكك ولا ملك لاي ملعون فيكم.
بصلي بنظرة كلها رعب وقوةوقال أنه راجع..راجع ومش هيسييني في حالي وهتفضل لعنته مصحباني انا وأحفاد احفادى وفجاءه اختفي و..وفقت لقيت امي وابويا والشيخ باصنلي.والاوضه مكركبه ومتكسره وكل هدومي مترميه في الأرض ودولابي مفتوح..
بصيتلهم بابتسامه وقلتلهم

-خلاص…خلاص ياشيخ
-جوزي خلاص يا حببتي..الموضوع مكنش سهل علينا ولا عليك ] -يعني انا كده هقدر اعيش طبيعيه
الشيخ= هقولك علي شوية حاجات تعمليها تحصني نفسك بيها واهمها الصلاة
-الحمد لله يارب..الحمد والشكرلك يارب
قمت اتوضيت وصليت ودموعي سابقه لساني..عمال ادعي واشكر ربنا أنه نجاني
ودلوقتي بعد ١٥سنه كل يوم في صلاتي بدعي ربنا أنه يحفظ اولادي من كل شر..النهاردة عيد ميلاد ابني الكبير ال١٥..صحيح عمري دلوقتي ٤٣سنه بس انا حاسا اني معشتش منهم غير 15سنة

انتهت القصة