الختيار مرض وأخدوه عالشام يتعالج ، ضلت الختيارة بالبيت وروحها تعبت ، بدها تروح تطمن عليه ..

الختيار مرض وأخدوه عالشام يتعالج ، ضلت الختيارة بالبيت وروحها تعبت ، بدها تروح تطمن عليه ..
أخدها واحد من ولادها وطلعوا عالشام ، فاتت شافتو ممدد عالسرير وغفيان..
باست راسو وراحت تقلو :
الدار عقبك ظلمة والبيت مابي روح ..
باطل ياتالي العمر تخلي السبع مطروح ..
وقت سمع صوتها صحصح ومسك إيدها وقال :
يامرحبا بالوليف وكل الهلا بهالصوت ..
دكتور ماضل وجع ويامرحبا بالموت ..
ضحكت وقالت :
البيت بعدك سجن من يوم شالوك ..
معصور قلبي عصر وفوقو ترى البلوك ..
اختنق الختيار وأخدتوا العبرة و قال :
معدل ياوليف العمر وأبن الأصل صافي ..
ويصون عشرّة عمر وطول العمر وافي ..
ضحكت وقالت :
أنت الي سلبت العقل من يومنا فتيان ..
وبعروق دم القلب شريان من شريان ..
هون الختيار اتجلس واتصحصح عالاخر ..
وبلش يصيح للدكتور صوتو عبى المشفى:
مليت ضرب الإبر وحب الخمس مية
من شفت طول الحلو ماظل عقل بيه
دكتور كف الأبر وفكلي دوا السيروم ..
قلبي شاف الولف ما أقدر أبات اليوم..

المصدر : التواصل الإجتماعي