قديش بتحبني ؟
ايش ؟!!
اه … اه
بحبك ….
يعني قديش …. ؟!
بحبك قد المخيم …
بس …؟!
لا
بحبك قد المخيم
وعدد اللاجئين
عدد كروت المؤن …
وعدد كياس الطحين …
بعدد علب السردين
يلي توزعت
من عام ال 48 للحين
بعدد حبات التروفين
يلي كل ما أمرض
من الوكالة بوخذهم
بعدد زقق المخيم
و بعدد قطعات الكهربا
بعدد كل الميتين
يلي حلموا بالعودة
و الراجعين
بحبك قد المخيم
ولك انتي مفكرة المخيم صغير ؟!!
الصورة من مخيم تل الزعتر عام 1972
***** كل الحب والاحترام لأهلنا في المخيمات فهم الاصل ومنبع الثوره والثوار،،،
#فلسطين_الحب
#والعشق_نحبك
لقائلها
#تراث #بلادي #بلادنا #يلادنا #الشيخ_موّنس #القدس #فلسطين
