العسيلي وزوجته أمينةعقد مساء أمس الثلاثاء الفنان محمود العسيلي قرانه على خبيرة التجميل أمنية عبد المنعم بمدينة الإسكندرية في حفل اقتصر على الأهل والاصدقاء.
وعبر مواقع التواصل الاجتماعي نشر الثنائي صورا جديدة من كتب الكتاب تظهر حالة من الرومانسية والحب بينهما.
وعلق العسيلي على صورهما قائلا “تبات و نبات، الفستان الأبيض، إحساسك ايه النهارده، الليلة و اخيرا فرحة، أغاني عملتها من اول ما ابتديت لغاية النهارده باتكلم فيها عن العيلة و الاستقرار و الحب و العيال .. كل أغنية فيهم بتتكلم عن موقف جميل و أسلوب حياة كنت بأحلم إني أعيشها و فعلا حاولت في تجربتين جواز إني اشوف الحياة اللي أنا باحلم بيها تتحقق على ارض الواقع و لكن للأسف التجربتين مانجحوش”.
وأضاف “والفشل مش لازم يكون معناه ان حد وحش..لا ..هو بيكون تقصير من الطرفين و بيكون بجد قدر ونصيب..
الفشل عمره ما كان عيب بس الكارثة الحقيقة اللي ناس كتير بتعملها فهي الاستمرار في الفشل و التصميم على التعاسة عشان ظروف خارجية او وهمية مالهاش علاقة بالاتنين اللي عايشين في الدوامة و خلاص بيغرقوا”.
واختتم “أنا رفضت أعيش تعيس و هافضل ادور عن السعادة اللي كتبتها في الأغاني بتاعتي و باتمنى من ربنا سبحانه و تعالى إني أكون لقيتها فعلا و تكون التالتة التابتة”.
المصدر : تطبيق نبض
