حكاية لطيفة و هى صحيحة و واردة في “شعب الإيمان” للإمام البيهقي بس هحكيها بلغة بسيطة لعل المعني يصل بلا تكلف أو تعقيد

هحكيلكم حكاية لطيفة و هى صحيحة و واردة في “شعب الإيمان” للإمام البيهقي بس هحكيها بلغة بسيطة لعل المعني يصل بلا تكلف أو تعقيد ..

اسحاق بن عباد البصري نام في يوم من الأيام فجاله هاتف فى المنام بيقوله أغث الملهوف ! فقام من نومه يدور ملقاش حد فسأل أهل بيته في حد من جيراننا محتاج ؟ فقالوا ما ندري .. ما بنعرف يعني .. فنام تاني!!!
فجاله الهاتف و قاله أتنام و لم تغث الملهوف !! فقام دور برضه و سأل ف ملقاش حد .. فنام برضو !!!

في المرة الثالثة نام فجاله نفس الهاتف أغث الملهوف ! فقام مفزوع من نومه و قال لغلامه أسرج البغل .. يعني جهز الدابة بتاعتي ..

بيحكي انه اخد معاه 300 درهم و ركب البغل و أطلق له العنان .. و بدأت الدابة تتحرك في الأزقة و الطرقات لغاية ما وصلت لمكان و وقفت فيه ..

ف لقي راجل قاعد بيصلي و يدعي بالرزق بحرقة جدا ف اسحاق بن عباد سأله و قاله يا رجل ! في هذا الوقت في هذا الموضع ما أخرجك !! يعني فى نص الليل في مكان نائي شو اللي جابك هنا ؟؟؟؟

الراجل حكاله إنه تاجر و كان رأس ماله 100 درهم خسرهم و كمان عليه ديون 200 درهم …!!!(

ابن عباد اخرج الكيس اللي فيه ال 300 درهم و اعطاهم له و سأله أتعرفني ؟ فقاله لأ !!!! فقاله أنا اسحاق بن عباد فإن نابتك نائبة فأتني منزلي في موضع كذا يعني أنا اسمي كذا وبيتي في المنطقة الفلانية لو احتاجت حاجة تيجيلي تاخدها مني…!

ركزوا في رد الراجل الغلبان عليه .. لإن هنا مغزي البوست كله

الراجل قاله رحمك الله ! بل إن تأتينا نائبة فزعنا إلي من أخرجك في هذا الوقت حتي جاء بك إلينا ! يعني لو حصل أى حاجة و احتاجت حاجة هطلبها من اللي خرجك في نص الليل وجابك لحد هنا :”))

سيدنا النبي بيقول والذي نفس محمد بيده لن تموت نفس قبل أن تستكمل رزقها

رزقك جاااي جااااي و الله بس روح للرزاق و متتذللش لحد .. (و في السماء رزقكم و ما توعدون )
#ادعُ_فليس_ذلك_علي_الله_بعزيز
#ومن_يتقي_الله_يجعل_له_مخرجا