الرئيسية
قصيدتان لشاعر الأمة محمد ثابت والشاعرة عبير حلمي من ديوان فرسان العامية
شاعر الأمة محمد ثابت
قصيدتان لشاعر الأمة محمد ثابت والشاعرة عبير حلمي من ديوان فرسان العامية
—–
تتصوري قصيدة لشاعر الأمة محمد ثابت ٠
—-
تتصوري
تتصوري إني بحبك
وإني بحب القرب منك
وانتِ ولا انتِ هنا
سامعة ومش سامعة
وأما اسألك عن حبنا
بلاقيكى مش واخده ببالك
والاقينى انا طوبة بأساس
كاتم ألم زي الرصاص
والاقيكى واخدانى ببالك
زي تمام زي الأساس
شايل وكاتم من زمن
وأما اتحرق بدموعي
يلعنى الكفن
أرجع وأقول
الحب ليكى بيتولد
كيف الحلول
يا اللي قدرتى تأسري
وتحولي قلبي ملاك
عاشقك وواقع في الشباك
فكى حبالي وارحمي
قلبي الضعيف
ياللي عشانك عقلي انا
أصبح خفيف
تتصوري
—-
قصيدة لشاعر الأمة
محمد ثابت
مؤسس نوادي الأدب بإقليم شمال الصعيد الثقافي
——
——–
عبير حلمي تكتب .. حبيبتي
أميرة
——
يا ضي نيلي
مستنيكي تغنيلي
ضحكة قمر ليلي
وسكون آهات
دمع وتمني
صمت و سُّهاد
أمي ودعاها
سنين عمري
و الذكريات
الدور عليكي
سلام من ايديكي
ب العمر اللي جي
واللي فات
يا أم النغزات
ندا قلبي
و السكات
فرح ورجاء
وقت الحنين
وقت اللقاء
كم مرة ناديت ؟!
ولا مرة ردود
ياأم العيون السود
نور جبينك
ولا الخدود
أحكي وأقول :
كثير حكايات
حبيبتي أميرة
كل الحكايات
بقلم الكاتبة
عبير حلمي
——
سلسلة كتاب ملتقى الشعراء
كتاب دوري يصدر
كل ثلاث شهور
رئيس التحرير
شاعر الأمة محمد ثابت
مستشار التحرير
د فاطمة أبو واصل إغبارية
مدير التحرير
شاعرة النجوم إلهام عفيفي
