هذي السّالفة تدور حول تاجر صاحب مال وجاه وله ولد وحيد ويوم اقتربت وفاته وعلى فراش الموت نادى ولده وقال ياوليدي بوصيك بثلاث وصايا ابيك تحفظها وتعمل بها .قال ولده:ابشر يابوي !!! قال الأب :الوصيّه الاولى :ابن لك بيت في كلّ ديرة ،والوصيّه الثانية :امّ البنتي، وام الكنتي، وام المسمار الي ينتي لا تزوجها !!! والوصيه الثالثة :لاتخون من آمنك لو كان خاين ،وذا ضاقت عليك السّنين ،وإحتجت شي عليك بصاحبي فلان في الديرة الفلانية قال له :انا ولد أحسن الرجال، وإن شالله ما يقصّر معك.
بعد هذي الوصايا الثّلاث توفّى الأب ،ونفّذ الولد وصايا ابوه ،راح في كلّ إتجاه ،و سوّى مثل ماقال له ابوه ،وبنى بيت في كلّ ديرة. بعد كم شهر نوى الولد الزواج ،لكنه إحتار ولم يفهم ما قصده أبوه ،وكان في الديرة عجوز، ولها بنت مزيونة مطلقة ،ولها ولد من زوجها الاول ويوم سمعت انه يريد الزواج جاءته وقامت تمدح في بنتها له ،وعن زينها لين اقنعته في الزواج من بنتها ،وفي نهاية تزوج الولد بنت العجوز المطلقة .
وبعد كم يوم قالت العجوز لبنتها : يابنتى إعملي بما أقوله لك ،فوالله إني ما زوجتك هذا الرجل إلا طمعا في ماله وبه تتسلطين عليه ،وتحفظين كل ماله لولدك ،كل ما جاب مال من تجارته تاخذينها منه و وتخفينها ، يابنتي لا تنسين ولدك !!! قالت البنت ابشري يمه. وصارت كل ماجاب الرجل مالا وربح من تجارته اخذتها زوجته ،وحجّتها انها تحفظ ماله ثم أخفتها ،ولما كثرت الأموال ،سوّت لها خزانة تحت الأرض ،و بنت عليها ،تكنز فيها اكل ما تجده، وهو مايعرف عليها شي .
مرّت السنين والولد احواله المالية صارت تعبانة وراح وباع بيته الى في الشمال ،ويوم جاب فلوس البيت اخذته منه زوجته مثل العادة وتكنزه في الخزانة وتعطي زوجها قدر يسير من المال يتصرف فيه .انتهت السنة ورجع الوضع على ماكان راح الولد وباع بيته الى في الجنوبوعلى هذي الحال لين باع كل مايملك من بيوت وزوجته تاخذ منة وتكنز في هالخزانة وكل م اسألها زوجها وين المال الى اعطيتك اياه ،تعذرت انها صرفته في لوازم البيت .مرت السنة وطلع الولد ماعنده مايملك شي من مال وتذكر وصية ابوه يوم قال : اذا احتجت شي ،وضاقت عليك الدّنيا عليك بصاحبي فلان.
ويوم من الايام بلغ الولد زوجته ،وقال لها انا مسافر ادوّرعلى رزق الله ،شد على مطيته وحط أغراضه عليها وسافر لديرة صاحب ابوه .ويوم وصل للديرة دق عليه الباب ، وقال انا ولد ذلك الرجل وابوي أطال الله في عمرك توفى ،وقبل وفاته وصاني بثلاث وصايا.الاولى :قال لي ابن لك بيت في كل ديرة والثانية :ام البنتى وام الكنتى وام المسمار الى ينتى لا تزوجها والثالثة:لا تخون من آمنك لو كان خاين وسويت مثل ماقال لي ابوي بنيت لي بيت في كل ديرة .
لكن ما فهمت الوصية الثانية ،وتزوجت حرمة مطلقة ولها ولد وبعد زواجي منها تغيرت احوالي المادية وصرت بعد كم سنة ما أملك شي وجيتك انا ومالى الا الله ثم انت. قال صحيب ابوه: هلا فيك وحياك الله ،والله يرحم ابوك أعزه الله نعم الصاحب ،لكن ماذا تقدم لي اذا ردّيت إليك كل مالك ؟ …
…
يتبع الحلقة 2
من قصص حكايا العالم. الاخر
