تعالوا بدقيقة نعرف كيف #العيد_في_السجن ؟!
قبل العيد بأسبوع بتبلش التحضيرات والتجهيزات للعيد ، ببلشوا الاسrrى يجمعوا أقرب المكونات لعمل حلويات العيد.
وبتبلش حملة التنظيفات بكل الاقسام ، بالغصب و بالرضى كله بينظف ، وكلو بشتغل.
#ليلة_العيد ، بيتجمعوا وبيعملوا حلقات ، ذكر وقراءة قرآن واللي بدو يصلي
بصلي وبقوم الليل ، وبآخر السهرة بتبلش فقرة النشيد و الاغاني الثورية
اللي بدو هاي النشيدة واللي بدو هديك ، هاي بتحزن لا هاي بتفرح وهيك
لحتى يتفقوا ع اغنية ، “يا يما لو جاني العيد ”
بتلاقي كل واحد حاطط ايدو ع خده ، وساارح بخياله ، واللي بقوم من نص القعدة وبفوت
جوا ، مستحي يفرجي اصحابه دمعته اللي خانتوا بلحظة 😥
يوم العيد الكل بلبس وبتعطر ، وبتكون ريحة السجن بتفحفح ، و بعد العدّ ، بيصفوا ليصلوا
صلاة العيد ، وبيسمعوا خطبة العيد ، وبعدها الكل بسلم ع الكل ، وكل قسم بفوت ع
القسم الثاني يعيد ع رفقاااته ، و يتحلى من عندهم ، هييييييك بضلوا
وبس تصير الدنيا العصر ، كل واحد برجع ع البورش تبعه “التخت” بمسك صورة ابنه وبنته و امه.
وبتغطى باللحاف ، وبتسمع صوته اللي خانو بلحظة كمان مرة #اللهم_أسrrrانا.💔😢😢😢
