صباح الخير وجمعه مباركه .
وتقبل الله منكم سلفا صلاة الجمعه وقراءة سورة الكهف ان شاء الله .
بنصلي وبنصوم ونقرا القرآن من الجل للجل وبنختمه كمان عدة ختمات وبعدنا بنكذب وبننصب
وبنافق وبنوخذ اشياء على عاتقنا وحنا مش على قدها.طيب وشو الفايده ؟ يا ناس الحلال افهموا شغله وحده “اهم شي النوايا ” والتي لا يعلم خفاياها الا الله .
حتى على ابسط المستويات .بتروح تشتريلك بطيخه .بشكل تلقائي بتسأل صاحب المحل :
كيف هالبطيخ ؟ طوالي بجاوبك :قطر .عسل .واذا مش هيك رجعها .
انا حسب رايي هذا السؤال فيه علامة سؤال !
شو متوقع من صاحب المحل يقلل ؟؟!!!
ثانيا : لليش صاحب المحل بوخذ على عاتقه ؟
هو مش عارف انها مقفوله ؟ والشغله فيها حظ ؟
ثالثا : بتروح بدك غيرها لإنها مش زاكيه او خربانه .
أول جواب بتوخذه :ليش أنا بقلبها ؟ طيب يا عمي من الأول خليك واضح وصريح ومنطقي .وقول :
“الله أعلم ” لا بتغلب حالك ولا بتغلب الناس ولا بتسود سمعتك !! .
فما بالكم لما بتوخذوا على عاتقكم مشروع زواج ؟
بدي مصلحتكم وأدلكم على جواب منطقي ومعقول .” أنا بعرف الظاهر واللي بشوفه .أما المخبى بالمره بعرفوش .إفحصوا الأمور لحالكم .”وهيك بتكونوا طلعتوا من الملامه بالمستقبل .وبتظلوا محترمين بنظر الناس .
أنا مره لاقتني وحده بالصدفه .بتقلي أجا قرابتك طلب أختي ولما عرفنا إنه بقربلك حطينا إيدينا بميه بارده !!!!!!! بتعرفوا شو جاوبتها ؟ .
” إبني اللي خلفته وربيته أنا شخصيا بضمنوشششش ” تا يلا السلامه قرابتي ؟
إستغربت من الجواب الصريح وقالت :
” لكان بدنا نفحص الوضع من جديد ” .
والمقصود من الحديث وخلاصته :
“الصراحه راحه ” وفيها احترام للذات .
والموضوع يشمل كل مجالات الحياه .وبكل تفاصيلها .لإنه كل انسان بعرف شو عنده .وقديش قدراته على النخوه .او الوعد .واللي بوعد لازم يوفي لو على قطع راسه .بس منيننننننننننن ؟
بطل حدا يرتبط من لسانه .
أي أنا والله لو النتيجه بتكلفني حياتي !!!!!
وعشان هيك الإنسان لازم يقيس قبل ما يغيص .
