لقيته داخل وفي أيده واحدة وبيقولي:اية مش هترحبي بيا انا وخطيبتي ولا اية؟
بصيتله وانا حاسة اني عاوزة اجيبها من شعرها بس هديت نفسي وعملت وش القوة وقولت:اه اهلا وسهلاً
قالتلي بمياصة:اهلا بيكي
أسر بصلي بصة كدة زي ما يكون مش متوقع ثباتي الانفعالي ده
بس انا عندي ثبات اكبر من بتاع ويجز نفسه امااال يا ه
أسر:اه طيب لو تعمليلنا حاجة نشربها ولا اية ياحبيبتي
لقيت العقربة بتقوله:اه يا حبيبي
قلت :لا انا اسفة صراحة كان نفسي اخدم وكدة بس انا مش الفليبنيه اللي جابتها امك عذرا يعني لأمك بس تقدر تدخل تعمل اللي نفسك فيه وتشربوا عادي جدا
أسر : مفيش مشكله يلا يا حبيبتي نخش نعمل حاجه نشربها
لقيته دخل هو والعقربة اللي معاه المطبخ
وانا دخلت اوضتي وانا مضايقة وقلت:عناد بعناد يا أسر بقي
وطلعت طقم حلو قصير شوية بس خلي شكلي جميل وحطيت حبه ميكب بقيت حلوة اوي
أسر:بقولك اية يابت يا علا هي الخطة فشلت ولا اية
علا: الصراحة يا أسر فشلت ميه في المية وهي متأثرتش
أسر: مش مشكلة هنغيظها اكتر
فجأة سما طلعت وهي متشيكة بقي وقالت:تحبوا اساعدكوا في حاجة
أسر بصلها بصة وهو مذهول من جمالها وقد اية هي حلوة قال في سره”اية القمر ده بس”
بعدين سيطر علي نفسه وقال:لا مش عاوزين مساعدة
علا ردت :اه يا حبيبي مش عاوزين
سما في نفسها:لا بقي انتي مش هتسكتي الا مجيبك من شعرك
سما:تمام يا ه خدوا راحتكوا البيت بيتكوا وابقوا اعزموني علي الفرح يا حبايبي الف مبروك.
ودخلت اوضتها بلامبالاه مصطنعه وهي جواها بتغلي
أسر:هو مش المفروض تغير وتقوم تبهدلك دلوقتي ولا اية
علا: المفروض بقي
أسر:أنا قلت انك نحس يا علا
علا:ي بقي احتر انا صاحبتك بردو في اية
أسر:كان نفسي افهم عقلي فين وانا بكلم واحدة زيك
علا:أسر وربنا هفضحك قدامها
أسر:اششش اسكتي يخربيت كدة ده انتي فضيحة
علا: خلاص سكت بس قولي بقي لية بتعمل فيها كدة وعاوزها تضايق ليه
أسر: عشان جرحتني يا علا جرحتني اوي اوي وللأسف لسة بحبها علا:عملت اية
أسر :هبقي اقولك بعدين يلا انتي بقي روحي عشان الخطة فشلت ونبقي نشوف حل تاني بكرة
علا مشيت وأسر راح لسما يكلمها
بس قبل ما يخبط سمعها وهي بتشهق من كتر العياط …….. يتبع
