مكتبة الأدب العربي و العالمي

وينك يا بيّي دموع عينيّي.بقلم الشاعر.علي حسين ناصر

وينك يا بيّي دموع عينيّي
نزلو جمر عا خدود ورديّي
والحزن كلما ينحت النهدات
بضلوع عالأحزان مكويّي
بتنزل دموعي بلوعة الآهات
متل الحبر عا وراق منسيّي
دخلك يا بيّي ما بقي دمعات
وكل الفرح لي بتقشعو فيّي
سافر معك حتى معك بالذات
يبقى بقبرك متل محميّي
لوعتني بغيابك وهيهات
ترجع يا بيّي وتحضنك ديّي
ويا ريت عمرك بكتبو أبيات
وصورة حلاك تكون شِعريّي
تا كل لحظة بوّس الورقات
وأحضن حلاك بكل حنيّي
يتّمتني وبكيو معي النايات
وصارت غصون العمر ملويّي
الله معك يا مرافق الوردات
دخلك يا بيّي طلطل عليّي
بلحظة حلم تا ترجع البسمات
وتبقى بفكري وبالحلم موجود
وساكن بقلب القلب يا بيّي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق