أخبارمحلية

هاد الولد سنة ٢٠٠٠ كان يضل يهرب من المدرسة

هاد الولد سنة ٢٠٠٠ كان يضل يهرب من المدرسة ويروح يشتبك مع اليهود لحد ما طلبوا ولي أمره بالمدرسة وأكل كتلة منه وأمه بهدلته وعالفاضي،…

👈 كل يوم يروح يشتبك ومش بس هيك كان يوقف قدام الدبابة ويصير يرقص ويدبك ويغني “لو كسروا عظامي مش زاحف لو هدوا البيت مش خايف” ويرمي حجار …..

👈 استشهد ابن خالته شادي، وأهل هالطفل خافوا عليه وحشروه بالبيت وقدر يهرب من المجاري ويروح يضرب حجار ع اليهود،

👈 وأكثر من ٥٠ مرة أمه ترجعه من نص الاشتباك،

لحد ما حلم بشادي انه بقله تعال انتقملي وبنفس اليوم امه حلمت بشادي بقلها خليه يجي عندي،

وهيك أهله رفعوا الراية البيضاء وعرفوا انها… رسالة ربانية وأنه

ابنكم قرب رح يستشهد عن قريب،

👈 في مصور فرنسي إسمه لورو صوره صورة من ورا ظهره وهو يرمي.. حجار ع دبابة ميركافا

وإنتشرت الصورة…

👇👇👇

وبعدها بعشر ايام، وبالتحديد تاريخ ٢٠٠٠/١١/٨ كان يرمي هالولد هذا حجار ونزل يطول حجر الا طلقة طول الإصبع نوع 500 فاتت برقبته وطلعت من الجهة الثانية وهيك إنتهت قصته بلحظة ….

👈 هذا الولد اتحدى الدبابة بحجر، بوقت عجز العرب يتحدوا بكلمة، وكانت صورته ادرينالين للشعب الفلسطيني اللي هاج،

👈 قصة الطفل هذا ابن أنغام عودة اللي قعدت ٦ سنوات بعد اسستشهاده توخذ شنتته وتطلع ع المدرسة تدور عليه بين الطلاب، هذا الطفل عبارة عن وطن صغير..

كان ممكن يكون عمره الان 35 سنة ولو ما الإحتلال أنهى حياته ممكن كان مهندس.. دكتور… متزوج ،

👈 هذا الطفل غنى :

“لو سموا المية ما يخالف لو هدوا البيت مش خايف
لو كسروا عظامي ماني زاحف رح الم عظامي يا بلدي واصنع مقلاع وحجر” ..!

👇👇👇

هذا الطفل بكون الشهيد الاسطورة “فارس عودة”

لله_يرحم_شهدائنا

منقول…
..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

18 − 1 =

إغلاق