شعر وشعراء

بطلت – الشعر العامي بقلم شعبان مكي

imageبطلت
…………………………
بطلت تلوم
بطلت تعاتب
بطلت حتي
إنك تفكر
م تاني تحاول
تختار صاحب
بطلت تغير دي الضحكة
المرسومة م مدة و ثابتة
بطلت حاجات حلوة كتير
فضلت ثابت و مفيش تغيير
مهما حواليك إيه حصل
ثابت رافض لأي محاولة تأثير
وصلت إزاي ل دي الحالة
إن إمبارح عندك زي بكره
و إن لو فيه جديد مش فارقه
لو إنك ب تحس الإحساس
و عدم الرغبة يبقي إساس
يؤسفني إقولك إن أنت وصلت
إنك عايش بس إتقتلت
و ب روح يا روحي إتسكنت
لما ف يوم سألك قلبك
حاسس
قلت له لا بطلت
يبقي ساعتها قلبك مات
و عايش يادوبك فتات
عايش بس من سكات
…………………… 5 / 5 / 2016
من صفحة الشاعر / شعبان مكي شاعر عامية

اظهر المزيد

مقالات ذات صلة

إغلاق