التحضير لرحلة عائلية
عند معظم سكان العالم
سلة قش صغيرة بتفتح عن الجنبين تحتوي على :
#شرشف مربعات ابيض واحمر
#شطائر بالجبنة او المربى او العسل
#قنينة عصير وقنينة ماء
#علبة متوسطة الحجم فيها فواكة مقطعة
#كوكيز او كب كيك او كعكة صغيرة للتحلاية
عند ناس ثانيين بنعرفهمش (مش احنا) :
٣ سيارات طندر وباكاجين سيارتين تحتوي على :
#حصيرتين قش وحدة صفرا ووحدة زرقا
#طاولتين بلاستيك من اللي بتسكرن وبنفتحن
#خمس فرشات ، اربع مخدات ومسندين مشان قيلولة بعد الغدا
#عشر كراسي كل وحدة لون ، مشموسات ملتعن ابو اللي نفضهن
#غاز متنقل ، ارچيلة ، شوالين فحم وچلن كاز
#ثلاث كوانين (مناقل) من الطوال زي اللي بستعملوهن للاعراس
#زرف فيه ملاقط حديد ، سكاكين مسننة للسلطة ، وحدايد للشوي
#زرف اسود فيه طشوطة (جاطات) بقلب بعض وربطتين سياخ خشب
#ثلاث ربطات صحون بلاستيك من كل الاحجام
#ربطتين ملاعق وشوك ، خمس ربطات كاسات وعلبة قش اسنان
#زرف ازرق فيه اربعة كيلو بندورة ، كيلتين خيار اربع خسات ثلاث ليمونات وراسين بصل
#لفة ورق المنيوم ، لفتين ورق زيت ، لفة اكياس زبالة ولفة شراشف (حاد بعمي) للطوايل
#علبة زيت ذرة زائد قلاية مقطوعة ايدها زائد ملعقة كبيرة مخزقة
#زرف زغير فيه ملح ، علب بهارات مشاوي ، وقنينة كولا زغيرة بقلبها زيت زيتون
#شوالين بطاطا مقطعة للقلي 3 كيلو كل واحد
#برادين قهوة واحد سادة وواحد حلوة
#زرف كبير فيه فواكه مشكلة مغسولة من الدار ، بشرشر مي
#ثلاجة ملانة قناني مي اشي مثلج واشي عادي
#ثلاجة ملانة كولا وبيبسي وعصير مانچو وتوت بنانا
#ثلاثة كيلو موالح ، بزر وفستق حلبي وبندق وكاشو
#بطيختين وثلاث زرار شمام
#ثلاثة كيلو شقف خروف
#سبعة كيلو برچيت سياخ للصغار
#ثلاثة كيلو برچيت شقف للكبار
#خمسة كيلو تسلعوت (ريَش)
#خمسة كيلو جنحان جاج
#ستة كيلو كباب
#ثلاثة كيلو بصل زغير للشوي
#علبتين حمص (احلا) ام الكيلو
#علبة مخلل كبيرة ، ثلاث علب بيتنجان مكبوس ، ثلاث علب زتون بدون عجم
#اربع ربطات خبز اشتروهن وهم طالعين
#زرف تسالي ، بيچلا عبيسلي عبمبا عنشنوشيم زعتر على لبان
#علبة حمص غير الثنتين اللي فوق احتياط لا يروحوا يجوعوا المغرب
لا وبقضوها طول الطريق يقولوا نسينا اشي ؟ شكلنا ناسيين اشي !
وبالاخر بطلعوا ناسيين القداحه ?
والله يهدي البال
