لقيت ابني بيقول ان اونكل () خد ماما و طلعوا رحلة باللانش وخالتوا فضلت قاعدة معايا، لما قالي كده متسرعتش وواجهت مراتي زي الموقف بتاع الاونكل لكن فضل ييجي في بالي مواقف كتير وكلام كتير شكر بتقوله على قبل كده، علطول جه فبالي و قولت اراقبها بدل ما اواجه و تاخد حذرها لو فيه حاجة بينهم، وفرصتي جاتلي لما سابتلي الموبايل بكلم والدي
فتحت الواتساب لقيت كلام عشق وحب وكلام بيبين ان فيه حصلت بينهم!!
كاملة !!
طبعا انا معرفتش اتعامل معاها طبيعي بعدها بس مقولتلهاش على اللي شوفته لحد ما اشوف انا هعمل ايه، اخت مراتي عندها بنتين و ست في منتهى الاحترام
انا طبعا فكرة الطلاق كانت شيء مؤكد لكن افضح الأمر ولا اطلق في سكات؟
وفيه مشكلة أكبر اني ماضي على قايمة ومش عارف اعمل ايه، مش عارف أحل من انهي ناحية و ازاي !
لحد ما بقيت واقف مش عارف اعمل ايه، لو حكيت اللي شوفته هبقى مراتي أم عيالي.. ( مش فارقة معايا) انا عشان عيالي،، ولا اسكت عشانهم
وفي نفس الوقت مستحرم مقولش و اخت مراتي تتظلم مع جوزها اللي خانها..
انتو رأيكم اعمل ايه لأني حرفيًا أنا عاجز ومش لاقي حل مناسب يمكن تفيدوني
