– من يوم ما سبتي البلد أتعـ ـذبت كتير علشانك
= كان باين عليك فعلًا !!
– مش ذنبي في ناس كتير زيى بيخضعوا غـ ـصب عنهم لتقاليد البيئة اللي نشأو فيها
= تقاليد إيه دي اللي تخليك تتخلى عني في وقت محنتي؟.. في الوقت اللي كنت محتاجة فيه لإنسان يقف جنبي .. كنت عارف إني بريئة ورغم كده وقفت تتفرج عليا بدل ما تدافع عني !!.. اللي يشوف الشر وميحشوش يبقى مشترك فيه
– إيه اللي كنت أقدر أعمله ؟
= كنت تقدر تعمل كتير أوي لكن جُبنك هو اللي منعك
– بُعدي عنك وقتها خلاهم فهموا إن الكلام اللي بيتقال مجرد إشاعات ، حُبي ليكي هو اللي خلاني أبعد عنك وقتها .. وحُبي ليكي هو اللي جابني هنا دلوقت
= اللي جابك هنا دلوقت إنك عرفت إني بريئة ، جيت تجري ورايا تاني .. زيك زي كل الناس
– متقوليش زي كل الناس يا فايزة ؟
= زي كل الناس .. أنت زيك زي الأجزجي زي عبد المقصود الفرق بينك وبينهم إن هما بيعملوا الشر وأنت واللي زيك بيدوهم الفرصة إنهم يتمادوا فيه
“الطريق المسدود – ١٩٥٨”
