- سلام الله عليكم احبتي في الله .
زماااااان كان للعيد نكهه .فرحه .سعاده .هداة بال
كنا ما نغمض ليلة العيد .مبسوطين بجيته .محضرين الاواعي تحت روسنا .حبال المراجيح كمان محضرينها عشان من الصبح البدريه نتحمم ونلبس اواعي العيد ونسحب حالنا على اكبر شجره بالبلد وننصب الحبال ونتمرجح هناك .كل ولد ماشي مع اهله .يزور الجيران والعمات والخالات ودار السيد
ويجمع قروش وكل ثانيه يفردهن ويعدهن .
مبسوووووووطين ومكيفين .
آخ آخ آخ .كل شي تغير .الفرحه انتزعت .صارت حياتنا هم وغم .الجار ما بعرف باب دار جاره .والاخو حرب مع أخوه .والقتل والذبح والسلخ على أتفه الأسباب .المرض كثر والموت كثر .وكل بلد
فاقده ناس كثيييييير غالين عليهم .
اخواننا بالضفه والقطاع الله يكون بعونهم ويساعدهم على ظروفهم القاسيه .هاي غير اهلنا بحلب والناس المشتته .
صار الواحد منا بالف حيله وجميله تا يفوت على خواته .بتأفف الف مره .وبنابر الفين مره .وزهقان وتعبان ومرهق وحلوا عني !!!!!
هاي غير الناس اللي ملازمين الفراش .هاي غير اللي مش قادرين يدبروا لحمة العيد وملابس لاولادهم .
عن اي عيد بتحكوا ؟
يا ويلي على ايام زمااااااان .كل اولاد الحاره يغنوا مع بعض :
يوم العيد بنعيد .وبنقطع راس ابو سعيد
وسعيد مالو بقره نذبح بنته هالشقره
والشقره مافيها دم نذبح بنته بنت العم .
يا مسعود ويا سعيد .اليوم الوقفه وبكره العيد
وكل الاولاد ينزلوا مشي عالجامع ومع بعض :
الله اكبر الله اكبر الله اكبر ولله الحمد
الله اكبر كبيرا والحمد لله كثيرا .
كل عام وانتم بخير والى الله اقرب يا كريم .
